ကိုယ့်ဘလော့ချေတိမှာ ဝင်းကိုခိုင်၏ တေးစီးရီးသစ် “အာရက္ခမြီ” ထည့်လို့ ဂုဏ်ပြုကတ်မေ

ရခိုင်အဆိုတော် ဝင်းကိုခိုင်၏ တေးစီးရီးသစ် “အာရက္ခမြီ” ကို ကိုယ့်ဘလော့မှာ ထည့်ချင်ကေ အေနိန်ရာ (Fileden)ကို Click နှိပ်လို့ ( Mediafire ) ကုတ်ကိုဒေါင်းယူပါ။ ပြီးကေ ယင်းကုတ်ကို ကော်ပီကူးလို့ Add a Gadget > Edit HTML မှာလားလို့ Paste လုပ်လိုက်ပါ။

Tuesday, May 26, 2009

ငိုခြင်းစီလို့ငိုလိုက်ချင်

အဘာလေ အဘာ ... !
အဘာဟိခါက
အဘာသားသမီးတိ
ရွာအလယ်မာ
မျက်နှာပွင့်ခစွာတိ
ဒေဂုခါမာ
ခွက်ကိုင်ဗျာယ်
ရွာစိုင်လျှောက်မတောင်းရကေလေ့
အရပ်ရှစ်မျက်နှာ မာ
ကျွန်ခံနီဂတ်ရဗျာယ်ထော
အဘာ... !

အဘာလေ အဘာ ... !
အဘာဟိခါက
အဘာရို့အိမ်မာ
ဧယိုင်သာခြင်းသံညံလို့
စာပီလင်္ကာ
ထထိန့်ကြိုးခကေလေ့
ဒေဂုခါမာ
အဘာသားသမီးတချို့
ကိုယ့်စကားကိုမပြောချင်
ကိုယ်စာကိုဒေါင်ရွီးဖို့ရှက်နီဂတ်ဗျာယ်
အဘာ ... !

အဘာလေ အဘာ ... !
အဘာဟိခါက
အဘာသားသမီးတိ
အမျိုးစောင့်ထိန်းရေလို့
ရာဇ၀င်မာ ထင်ပေါ်ခကေလေ့
ဒေဂုခါမာ
ရစွာယူလို့
ဘဘောင်းဆုံးနီဂတ်ဗျာယ်
အဘာ ... !

အဘာလေ အဘာ ... !
အဘာဖိုးဖီးရို့
ဆယ်သက်စားမကုန်
ထားခကတ်ကေလေ့
ရွာလယ်မာပြောစရာဖြစ်လားစွာစကားက
မ မ နန့် ဗျ ရာကျန်ဗျာယ်လတ်
အဘာလေးးး .... !
အဘာတချက်လာကြည့်ဖိ ... !

..........

ကိုမင်း

0 comments:

  © Blogger templates 'Sunshine' by Ourblogtemplates.com 2008

Back to TOP