ရခိုင်လို့ ခံယူမိရေနိက
ဘ၀မှာ
ငါ့စိတ်ငါ လိမ်မရစွာက ဒုက္ခ
ဟုတ်သမျှ အားလုံးကို အစုလိုက်
မီးတိုက် င်္သဂြိုဟ်လိုက်ချင်ရေ...
ရင်ဖတ်ကြီး ဟက်တက်ကွဲနန့်
အသက်လည်း ဆက်မရှင်လိုပါ --။
အားနည်းချက်တခုအတွက်စိုင်းစား
ရိုင်းလားရေ သမိုင်းကြောင်းတခုအတွက်
အခုထိ နီတောင်မထွက်နိုင်သိမ့်
ယေနန့်ရာ.... တလမှာ
သုံးဆယ့်တရက်လကွယ်ခ --။
အချေခါပိုင်
ဝါးနန့်ကျောက်နန့်ထုကတ်လို့
ဝတ္ထုဖြစ်လားကေ ကောင်းယင့်
ပုပ်သိုးဟောင်းနွမ်းပြီးသား အမာရွတ်ကို
မိတ်ကပ်ထူထူနှိမ်းဖို့လည်း
ငါကား သတ္တိမဟိကာ --။
ယေနန့်ရာ
အိပ်မောကျရေနိရက်တိကို ဆုတ်ဖြဲယူ
ဘ၀တူ မောင်နှမတိကြားထဲ
ငါလည်း တေးခြင်းဆိုလိုက်တေ...
(ရခိုင်ပြည် xxx ငါရို့ပြည် xxx ငါရို့ပြည်ကို ငါရို့အုပ်ချုပ်မည် xxxx)
...................
(ပန်းနုဇံ)
Posts
0 comments:
Post a Comment