နှုတ်မဆက်ချင်ပါ ပြန်လတ်ဖို့

ခရီးဆောင်အိတ်တလုံးကို
ခိုင်မာရေ လက်ချောင်းအစုံနန့် ဆွဲမ
ခွဲရဖို့ အသိချေက မြှားတစင်းပိုင်
ငါ့ရင်စိုင်ကို ဖြတ်ဝင်လားစွာ နင့်ခနန့် --။

ဇာသူမဆို
မွီးရပ်မွီးမြီကို ခွဲရရေအခါ
ဒေပိုင်ရာ ကြုံလာတတ်စွာမျိုး
အဆိုးဆုံးက
အဖရခိုင်ပြည်နန့် ၀ီးနီရရေဘ၀အဖြစ်
လွမ်းရစ်လွမ်းဖြေ လွမ်းမပြေနိုင်စရာမလား --။

တချက် မှင်သက်မိခါပြီးမှ
ကောင်းခင်ပြင်တခုလုံးကို
မျက်ရည်စက်လက်နန့် ပြုံးပြ
ငါပြန်လာမည် စိတ်ချလို့
ငါ့စိတ်က ပြောမိရေစကား
သူကြားရေပိုင် ငါနားလည်
အံကြိတ်ပျာယ် ထွက်လာမိပါရေ --။

အော်...
လွမ်းလိုက်ပါ့မည် တနင့်နင့်
လှမ်းလိုက်ပါမည် တဆင့်ဆင့်
ကြွီလွင့်ပြီးဖြစ်တေ သမိုင်းအပင်အို
ကိုင်းရွက်ညို ကြွီချင်ကြွီပါလီ
သွီးရောင်နီ အလင်းစက်ချေအောက်
အဆင်းတလှ ပြန်ပျာယ်ပေါက်ကေ
ငါ... ပြန်လာလတ်မည်
နှုတ်မဆက်ချင်ပါ ပြန်လတ်ဖို့ --။

...............

(ပန်းနုဇံ)

(အဖရခိုင်ပြည်နန့်ဝီးကွာနီရရေ သူငယ်ချင်းရဲဘော်အပေါင်းအား ဦးထိတ်ထားလျှက်)