အားဖြည့်အတွေးတစ

ရင်ဖတ်ထဲကနီပနာ
ကွဲထွက်ပေါက်ဖွားလာရေအပင်ချေကို
လိုလိုလားလားပြုစုနီမိခယင်းနန့်
အမြစ်တွယ် ကြီးပြင်းလာခါမှ
ငါကိုယ်တိုင် ဇာပိုင်ခွတ်ဖို့လဲ --။

ဘ၀တစ်ခုလုံးကိုဝါးမျို
ထိုထိုသောစိတ်အစိုင်ကို မက်မောယင်း
လမ်းတစ်ခုကို ခင်းခမိသူအတွက်
နောက်လှည့်ရုန်းထွက်ဖို့ဆိုစွာ
အနားမသတ်နိုင်ရေ ပင်လယ်ပိုင်
လှိုင်းတံပိုးအသံလည်းမကြားနိုင်ဘဲ
အဓိပ္ပါယ်လည်း မလေးနက်နိုင်ပျာယ် --။

လောင်းရိပ်မိသူတစ်ယောက်အဖြစ်
ဘ၀တစ်ဆစ်ကျိုးချိန်မှာ...
အနှစ်နှစ်ရင်းလာရေဒါဏ်ရာတိက
အနာကျက် ပျောက်ပျက်လားဖို့အစား
ငါကိုယ်တိုင် ဆွဆွထားမိရေဆိုတည်းက
ဒေဒါဏ်ရာ၏တန်ဖိုးကိုနားလည်
ငါကိုယ့်ငါ နှိပ်စက်ထားမိရေဆိုလည်း
ငါ့အတွက်ကားမဟုတ်ယေ --။

ဒေပိုင်နန့်
ဘ၀၏မောပန်းညောင်းညာရေအချိန်တိမှာ
ငါတွေးမိယင်း အားပီးတတ်ခယင့်
အော်.. ငါ့ကိုယ်ငါ မပိုင်သင့်လို့ --။

(ပန်းနုဇံ)