မောင်ပြန်ဖို့ယာ
မိုးလင်းကြယ်ကြီး
ရောင်ဖြူလာ ထွက်ခါနီး
ကြက်ကြီးလည်းတွန်
မိုးသောက်ယံ မောင်ပြန်ဖို့ယာ --။
မောင်လားရေခါ
ဆံကေသာ ဖြီကာလျှော့
ကန်တော့လိုက်ပါ --။
ကတိုးတိမ် စိုးရိမ်နှောင်းလို့
မကြောင်းကြကဲ့ --။
ဂြိုးချေကြူ
မပူလီကဲ့ --။
ငှက်တော်ထိုး
မညှိုးလီကဲ့ --။
ကျီးကန်အာ
မရှာလီကဲ့ --။
ဥသြမောင်
ဖိုးခေါင်တယောင်
မတလီကဲ့ --။
ချစ်တေဆို ပျိုနှမကို
မှာခရေနှောင်း --။
နှစ်ချောင်းချီ ဗွီလီယှက်
ရက်သပေါ့မှာ
ရွှီမျက်တောင် အသာမှိတ်
အိပ်ဟိလိုက်ပါ --။
အိမ်နောက်ဆို မောင်းကာအောက်က
မေအိပ်ရာကို မျှော်ကာကြည့်
ပြန်လှည့်လားယာ --။
နှစ်ချောင်းချီ ဗွီလီယှက်
ရက်သပေါ့မှာ
ရွှီမျက်တောင် အသာမှိတ်
မအိပ်နိုင်ပါ --။
မတွိလီရ မမြင်ရလို့
ကားရုပ်ပုံ ဆယ်စုံချ
ရူပဒေ၀ါ နတ်ထံထံလေ
တူပြန်ခကေ
ငယ်ကချစ်တေ ချစ်မောင်မောင်ကို
ကြိုက်မ၀ပါ --။
(ရမ်းဗြဲကျွန်းမှ ဇမ်းကဗျာ)
Posts
0 comments:
Post a Comment