အဘာဆောက်ခရေ အိမ်ပြိုဟောင်း
အဘာဆောက်ခရေဒေအိမ်ကြီး...
နွီရာသီမှာ လီဗွီကြောင့်ရာ
အမိုးအကာတိကွာပနာ
ပျက်စီးလားခစွာ လား...။
မိုးဦးကျခါးသီးဖို့ကောင်းရေမုန်းတိုင်းက
တဟုန်းဟုန်အော်ပနာဖြိုဖျက်ခလို့
ပျက်စီးလားခစွာ လား...။
ပျဉ်စီပျဉ်ထောင်တိနန့်
လှပခန့်ငြားခရေ ဒေအိမ်ကြီးကို
ခြတိဖြိုပျက်လို့ ဆွီးပျက်လားခရစွာလား...။
အုပ်မြစ်နောင်းနောင်း အခြီကောင်းနန့်
ကမ္ဘာရွာမှာ အခိုင်ဆုံးလို့ သုံးနှုန်းခစွာ
ဇာအတွက်ကြောင့် ပျက်စီးရလီလဲ...။
ဒေအိမ်ကြီးမှာ ရွှီ ငွီ(ငွေ)ကျောက်စိန်
ပြည့်နီခစွာ ဇာလူယူလို့ ပျောက်လီခလဲ...။
တစစီပြို အခုစီပျောက်
ကောက်ကိုင်လို့မရ ပျက်လားခရေ
ဒေအိမ်ပြိုဟောင်းကို
သားကြီး သားချေ သားလတ်တိနန့်
သမီးထွီးပါ ဝိုင်းဗျာလ်ကူကေ
တတူညီညီ ပြန်ပျင်ဂတ်မည်
ဒေစွာအဘာဆောက်ခရေ
အိမ်ပြိုဟောင်း..။
..................
Ashon(အသျှင်)
June 22, 2009
Posts
0 comments:
Post a Comment