ထာဝရလန်းရေ ပန်း

တပေါင်းလီရူးနန့်
ကြွီကျလားရရေ
ရွက်ဟောင်းချေတိ
မြီပြင်မှာ
သင်္ခါရတေးခြင်းကို ဆိုလို့
အတိတ်ဒဏ်ရာတိကို ရင်ဖွင့်
ဖူးဖွင့်လာဖို့
ရွက်နုသစ်ချေတိအတွက်
ပင်ခြီရင်းမှာ
မြီသြဇာဖြစ်ပနာ
လောကသစ္စာကို
ထုဆစ်ပြနီရေ…။


ကာလတခုနိဂုံး
ကာလတခုအစ
ပြက္ခဒိန်ကတောင်း
အလှည့်အပြောင်း
သွီးသစ်တိလောင်း
နွီမိုးဆောင်း
ရာသီတိဟောင်းပတ်စီ
ခရီးတခုအတွက်
အချိန်စွာအဖော်မွန်ကောင်းရာ…။


ကန္တာရအိမ်မက်ဆိုးနန့်
ညာဥ့်အမှောင်ကိုဖြတ်ဝံ့သူရို့အတွက်
မိုးထဖရောင်နီစွာဆုလာဘ်
တန်ဖိုးမဖြတ်နိုင်ရေဂုဏ်ဒြပ်
ပီးဆပ်ခြင်း၏ရလာဒ်
ဒုက္ခအထပ်ထပ်ကြားကပွင့်ရေပန်း
ထာဝရလန်းတတ်တေ…။

...........
ဝံလက်ညို
၁၀၊၀၆၊၂၀၀၉