ကြည့်လျှင်

အရောင်အသွီးစုံ
ပါးလွှာရေ
နှုတ်ခမ်းအစုံ၊
အပြုံးတိ နောက်မှာ
ဇာဟိဖို့လဲ...။

ရမ္မက်ဇော ပြင်းထန်ရေ
ဒေ ငမိုက်သား
ပုထုစဉ်တိ ဒုက္ခက ....။

ရနံ့ကင်းရေ
တော်ရိုင်းပန်းတိကို
လှည့်ပင် မကြည့်ချင်ရေ
ပျား၊ပိတုန်းတိတွက်
နိဂုံးဆိုစွာ
အမြဲတမ်း
ပျက်စီးခြင်း မဟုတ်...။

အနိဌာရုံတိနန့်ရာ
မိတ်ဆက်
သဘောက်ရလို.
ဟြင်သန်ရရေ
မသီနိုင်ရေ
ဝါကြီးမ တစ်လုံး
အနာဂတ်လမ်း ....။

လောကပါလ
တစ်ရားဆိုစွာ
တစ်ခါ တစ်လီကျကေ
အိုင်စတိုင်း
ခေါင်းခဲ့ရရေ
ပြဿနာ လာချင့် ....။

အခွင့်မပီးလို.
ချောင်းကမ်းနားမှာ
ဒေါင်းပြောက်ချေ
နှိုက်နီရရေ တိုင်းကို
လူဘော လို.ထင်ကေ
မှားလားလိမ့်မေ နန်း ...။

..................

အေးမောင်(ရင်အုံတော်ဓာတ်)
၁၇၊၀၇၊၀၉