လွင့်မျောခြင်း တဖက်မာ

ရပ်တန့်လားရအောင်ထိ သွီးပျက်
ကြုံရပြန်လေ့ မျက်လွှာချဖို့ခက်တေလေ
မရင့်ကျက်သိရေ ဟန်ဆောင်မှုတိကြောင့်
အပြုံးမပြနိုင်စော် နားလည်ပီးဘာ...။

သင်ရိုးတန်းမရှိရေ ဘာသာရပ်ဖြစ်လို့
ပုံတူလိုက်ချဖို့လေ့ မဖြစ်နိုင်မှန်းသိယင့်
အားထုတ်စိုက်မတ်ယင်း မက်မောမိဗျာလ်
တက်မက်မှုနှိုးဆော်လို့ ထောက်ချက်တွင်းထဲ
ဝင်္ကဘာအမှတ်နန့် မွေ့ပျော်လည်နီတုန်းဘာ...။

ပုံသဏ္ဍာန်မရှိရေ ညဉ့်သန်းခေါင်ယံထဲမာ
အရောင်အဆင်းမဲ့ တိမ်တစင်းကတော့
ခေါင်းရင်ကော့မော့လို့ ဝင့်ကြွားနလီယင့်...။

ယကေလေ့ ...
အဆူးအခက်မရှိရေ နှင်းဆီချေတပွင့်
ဇာလောက်ထိများ မာန်ဝင့်နိုင်ခီဖို့လဲ
စက္ကုနန့်သွန်းဆစ် မီးတောက်ထဲတိုးဝင်ယင်း
ပြာအသွင်အဖြစ် လီမာလွှင့်လီရယာယေ...။

ဆောင်းတွင်းအိမ်မက်ပိုင် ခံစားမှုတိနဲ့
ဝေဒနာဆိုးတိကို တပွေ့တပိုက်ယူဆောင်လာ
တိုးဝှေ့လီညှင်းချေကိုလေ့ အပြစ်မတင်ရက်ပါ
ရင်ထဲကထွက်လာရေ သံဇိုင်တိလမ်းပြမှုနန့်
ရှိဆက်ပြီးကေခရီးနှင်ယင်း အားအင်တိကကုန်ခမ်း
ခရီးပန်းလို့ဒေရင်မာ ချွေးသိပ်ဖြေစရာမရှိဘာ...။

အလှတရားအပြည့်နန့် သဘာဝလောက
အပြစ်ဖို့လောက်အောင် နာကျည်းလေ့
ညီမျှမှုမရှိရေ အရောင်အစပ်အဟပ်ကြောင့်
ရွာခါနီးမှပြယ်ပျက်ရရေ မိုးသားတိမ်ရိပ်တိပိုင်
ငါ့ရင်မာ့ဆိုနင့်လို့ မင်းမရှိရေတနီရာမာရာ
အာကာပြိုလောက်အောင်ထိ ရွာချပလိုက်လီဖို့ဗျာလ်...။
.............................
အားလုံးကျေးဇူးတင်ဘာရေ။

ပိုင်သျှေ