လွစီခ်င္ေရ အိမ္အျပန္လမ္း
အျဖဴေရာင္သုတ္ထားေရ
အာကာမိုးရိပ္တိထဲမွာ
စိတ္ကူးေတာင္ပံျဖန္ ့လို ့
ပ်ံၾကည့္ခ်င္ယင့္…။
ထိုး…အ၀ီးမွာ
ေျပာင္းလဲျခင္းတရားကို
ေနာက္လွည့္ထိုင္ထားရေရ
ရိုးမတိုင္း
အိမ္မက္ရိုင္းတိနန္ ့
ဘဂၤလားလွိဳင္းသံတိၾကားမွာ
တတိတ္ေခ် ဆိတ္ျငိမ္လို ့
အတြင္းဒဏ္ရာ
သမိုင္းအနာတိနန္ ့
သမိုင္းစကားကိုေျပာ
အနာဂတ္ကို တြိခ်င္ေဇာနန္ ့
ပစၥကၡလမ္းမထက္မွာ
လားနိန္ရစြာ ေညာင္းနိန္ေလာက္ဗ်ာယ္….။
အသိတခု
အရင္းျပဳလို ့
တတ္ႏိုင္သေလာက္၀ိုင္းဗ်ာယ္ကူ
စိတ္တူလက္တြ
ရင္ခ်င္းျမဲေက
ေသခ်ာပါေရေ၀
ငါရို ့တိ အိမ္ျပန္လွကတ္ဖို ့ေယ…။
Posts
0 comments:
Post a Comment