အိန်တာနတ်ချစ်သူ

(ပင့်ကူ)ပင်းခူအိမ်ချေပိုင်
လျှပ်စစ်စီးကြောင်းတိလက်ချင်းဆက်ထားရေ
ဝင်္ကဘာကွန်ယှက်ထဲမှာ
နှလုံးသားစာသားနန့် 
ရင်ခုန်ခြင်းသံဇိုင်ကို
တီးခတ်ဆိုလို့ 
မီးကိုရှာတွိခကတ်တေ လူတိထက်
ဒီဂရီမနိမ့်ကျရေ အပျော်တိနန့် 
အချစ်ကို မြင်လာကတ်တေ…။

ရင်ဖတ်အခွံနန့် 
မျှော်လင့်ချက်တိ ပျောက်နိန်ခရေ
အထီးကျန်နိန့် ရက်ချေတိ
အသက်ဝင်လတ်ဆတ်
လမ်းစ လျှောက်တတ်တေ
အဘုသျှေပိုင်
အချစ်ခရီးအတွက်
တာစထွက်ခွင့်ရပါလတ်တေ…။

ရီမြီကွာခြား
ပထ၀ီနံရံတိကြားမှာ
ရင်ချင်းကပ်ပနာ
ကဗျာစပ်ဖို့ မဖြစ်နိုင်ကေလေ့
အလွမ်းတိကို စွန်လုပ်ပနာ
အိန်တာနတ်အာကာပြင်မှာ
စက္ကန့် မိနစ်တိုင်းတင်ခွင့်ရနိန်ခြင်းက
အရသာတမျိုး…။
........................