ကိုယ့်ဘလော့ချေတိမှာ ဝင်းကိုခိုင်၏ တေးစီးရီးသစ် “အာရက္ခမြီ” ထည့်လို့ ဂုဏ်ပြုကတ်မေ
Showing posts with label မောင်ပန်းဇင်း. Show all posts
Showing posts with label မောင်ပန်းဇင်း. Show all posts
Tuesday, August 4, 2009
ဝေဒနာမိတ္တူ
ရီအိုင်မှာနစ်လို့
ဘဝတုံးဖို့ဖြစ်နိန်ရေ
ပျားချေတကောင်…။
အသက်တချောင်း
မသီကောင်းလို့
သနားကရုဏာစိတ်ချေနန့်
လက်ချေနန့်ဆယ်ယူလို့
အသက်ဘေးကလွတ်အောင်
ငါကယ်တင်ဖူးခရေ…။
သီဖို့ဖြစ်နိန် ထိုအချိန်က
ကယ်ပါကူပါ တဇာဇာနန့်
အီးယောင်ကူပါ ဘာဘာကူပါ
လူတိကူပါ အော်နိန်ပါယင့်…။
ယကေလေ့သင့်
ရီကကယ်ပနာ ရွှတ်လိုက်ရေနောက်
သူ့ကျေးဇူးသျှင် အသက်သျှင်၏
နုနယ်လက်ချေ အသွယ်သွယ်ကို
အဆစ်သုတ်ပနာ အဝီးတနိန်ရာသို့
သူကပျံလို့ လားခယင့်…။
…………
မောင်ပန်းဇင်း (ပညာမြီ)
၁၈-၇-၂၀၀၉
၁၈:၃၁ pm
Labels: မောင်ပန်းဇင်း
မကြောက်ကေ့
ပြောလိုက်ကေတော့ခါ
ရခိုင်စကား
ရွီးလိုက်တော့ခါ
မျန်မာစာ...။
သူပြောရေစကား
နားထောင်ဖူးလား
“အချေဘဝက
ရခိုင်စာကို မသင်ခရလို့
ရခိုင်စာကို
မရွီးတတ်လတ်...။”
ဇာချင့်လဲ “ရခိုင်စာ”
ဇာချင့်လဲ “ရခိုင်စကား”
ခွဲခြားလို့ရာမသိပါကေ
ဇာပိုင်ယှင်းပြရဖို့လဲ...။
ယကေလေ့သင့်
ငါသိသလောက်
ငါယှင်းပြမေ
အိုမိတ်ဆွေ...။
မင်းရို့ငါ့ရို့ အချေဘဝက
“က,ကြီး၊ ခ,ခွေး”စရေဗျည်းတိ
ရွီးခကတ်စော် ငါ့ဘိုးဘွားတိ
သုံးလာကတ်တေ ရခိုင်စာယေ...။
အက္ခရာတူလို့
မျန်မာစာလို့ မင်းထင်ရေလား
သူငယ်ချင်း...။
ရခိုင်လီသံ အမှန်ကန့်နန့်
ရွီးသားပါကေ
ရခိုင်စာမဟုတ်လို့
ဇာသူတိက ပြောဖို့လဲ....။
ယင်းအတွက်ကြောင့်
ကိုယ့်စာပီကို သူများဘားက
ခိုးထားရေလို့ မထင်ဘဲနန့်
နိန့်စဉ်သုံးနိန် လီသံဒိန်နန့်
နိန့်စဉ်သုံးငြား ဝေဟာရများနန့်
သတ္တိဟိဟိ ရွီးလိုက်ဖိယေ
ငါ့ရို့ဟိရေ အားမငယ်ကေ့....။
..................
မောင်ပန်းဇင်း (ပညာမြီ)
၁၆-၇-၂၀၀၉
Labels: မောင်ပန်းဇင်း
Subscribe to:
Posts (Atom)
Posts
