ကိုယ့်ဘလော့ချေတိမှာ ဝင်းကိုခိုင်၏ တေးစီးရီးသစ် “အာရက္ခမြီ” ထည့်လို့ ဂုဏ်ပြုကတ်မေ

ရခိုင်အဆိုတော် ဝင်းကိုခိုင်၏ တေးစီးရီးသစ် “အာရက္ခမြီ” ကို ကိုယ့်ဘလော့မှာ ထည့်ချင်ကေ အေနိန်ရာ (Fileden)ကို Click နှိပ်လို့ ( Mediafire ) ကုတ်ကိုဒေါင်းယူပါ။ ပြီးကေ ယင်းကုတ်ကို ကော်ပီကူးလို့ Add a Gadget > Edit HTML မှာလားလို့ Paste လုပ်လိုက်ပါ။

Monday, November 23, 2009

ရင်ကလွမ်းရေ အာသျှနီဝန်း



အသျှင်ချခရေ
နိုင်ငံရေးမျိုးစိ
ရခိုင်ပြည်မှာရာ
ရှင်သန်လာခကေ...။

အသျှင်ပြောခရေ
နိုင်ငံရေးစကား
ရခိုင်သားနားမှာ
ရက်ပြတ်ကြားပနာ
မှတ်မိနိန်ပါကေ..။

အသျှင်ပီးခရေ
နိုင်ငံရေးအသိ
ရခိုင်သားတိနှလုံးသားမှာ
စွဲငြိလို့ ရာ
ကျန်နိန်ခပါကေ...။

ယာသျှင်ကိုမျောက်နှင်
အသျှင်သခင်ကိုစော်ကား
ဘုရားစင်ထက်မှာထိုင်
အစိုင်မကောင်းရေ
အောက်သားစစ်ခွီးတိ
ရခိုင်ပြည်ကိုအမှောင်ကြီးချ
ကျွန်ဇတ်ကခိုင်းနိန်စွာကို
တွန်းလှန်ဖြိုချ
ဆုံးမဒဏ်ပီး
ရခိုင်သွီးတိနီနိန်ကြောင်းကို
ပြလို့ နိန်ကတ်ဖို့ ဒေ..။

လွမ်းမိပါရေ
အာသျှနီဝန်း
အသျှင်ထွန်းခပိုင်
ပြည်ရခိုင်ကို
ခေတ်သစ်ကမ္ဘာမှာ
ထိန်ထိန်လင်းလာစီဖို့ 
နီဝန်းသစ်တိ လိုအပ်နိန်ပါရေ..။

........................

မြောက်ဦးကဘီလူး

နီဝင်ချိန်ညဇာ


ညဇာဖက် နီဝင်ချိန်က
သင်္ခါရတရားကိုထမ်းလို့ 
စိတ်ဓါတ်တိအ၀ိစီတွင်းဆုံးထိကျပနာ
မျှော်လင့်ချက်ပျောက်နိန်ရေလူတယောက်ပိုင်
မဖြစ်နိုင်ခြင်းတေးခြင်းကိုဆိုလို့ 
အိပ်ရာဝင်ဖို့ ပြင်နိန်ယင့်….။

မှောင်ရိပ်သန်းနိန်ရေ အာကာပြင်ထက်က
ကြယ်တိမလင်းရေ လမ်းမှာ
မိုးရိပ်ချေတိ ခိုကိုးရာမဲ့လားလို့ 
အသိုက်ပျောက်နိန်ရေ ငှက်ချေတိ
တနားဇာချေရဖို့ 
ရွက်ခြောက်ပင်ကိုင်းဖျားတိကို
လိုက်ရှာနိန်ကတ်ယင့်….။

ခန္ဓာကိုယ်သွီးသားထဲက
ခွန်အားတိကို ထုတ်ရောင်းပနာ
တရက်လုံးရုန်း
ဂေါင်းဆုံးကခြီဖျား
ချွေးတိစီးကျလားမှ
ရလာရေ ဒင်္ဂါးချေကို
ဆန်တစ်သိုက်ဝယ်ပနာ
အိမ်ပြန်လာရေ အမိတယောက်မျက်နှာမှာ
အချေသုံးယောက်ဝမ်းဆာနိန်ဖို့ ဗျာယ်လို့ 
စိုးရိမ်စိတ်အပူလှိုင်းတိဖြတ်လို့ 
တထွာဝမ်းနန့် 
ဆီခမ်းနိန်ကတ်ရရေ ဘ၀
ပကတိဒုက္ခကို
ကျင်ကိုင်နိန်ကတ်ရယင့်….။

နီဝင်ချိန်ညဇာ
ငါရို့ ရခိုင်ပြည်မှာ
ဒေပိုင် နီဝင်ချိန်ညဇာ
ငါရို့ လခြမ်းမြီမှာ
တခုပိုင်လေ့ မလှပါ…..။

ကျိန်စာသင့် နှလုံးသား


အချစ်ကို ကိုးကွယ်ခကေ့လေ့
အချစ်၏ ခါးသီးနာကြင်မှုတိကိုရာ
ငါ-- ထွေးပွေ့ပိုင်ဆိုင်ခရ ။

အချစ်၏
ကြင်နာ နွီးထွီးမှုအစားလတ်
နှင်းဆီးပန်းချေ တစ်ပွင့်
ဘဝနှင့်ရင်း
မြတ်နိးစွာ ငါ စိုက်ပျိုးခရေ ။

လှပရေ အဆင်းနန့်
နူးညံ့ရေ ဝတ်မှုန်လွှာရို့
ငုံအာ အဖူးမှာ
တိုက်ခတ်လာရေ
မုတ်သုန်လီ တစ်ချက်ကြောင့်
ပန်းပွင့်ချေနံဘေးက
ငါစွာ..
ထိုအဝီးကြီးသို့
လွင့်(ရွင့်)စိုင်လားခရ ။

ဖက်တွယ်ဖို့ကြိုစားယင်း
ငါ လှမ်းအကိုင်
စူးချောင်းချေတိက
ငါ့လက်ကို
ညှာတာမှုကင်း
စူးနစ်ဝင်လားကတ်တေ ။

သွီးနီတိ
ဖြာခနဲ ထွက်လာအကျ
အော်.........
ဒေချင့် အကြင်နာလတ်လား ဝေ
ရင်ထဲမှာ နင့်ခနဲ ခံစားလိုက်ရရေ ။

ပန်းပျိုးရေ လက်က
ပန်းကိုဆွတ်ဖို့
မတန်မရာ လားဝေ ။

နီးကပ်ဖို့ ကြိုးစားစဉ်မှာပင်
အသိမဲ့ရေ ငါ့ ခြီးလှမ်းတိ နောက်ဆုတ်
အချစ်၏
ထို..အစွန်းးတစ်ဖက်ကို
ငါ ရောက်မှန်းမသိ ရောက်လား ရခရေ
တစ်ဖြည်းဖြည်းနန့်
အဝီး အဝီးဆုံးကိုလေ ။

အချစ်နန့် ချိန်းတွိခြင်း



သဇင်ပွင့်ရောင် ပါးပြင်ချေ
ဖြူစင်ဝင်းပ လှနိန်ရေ…။

ရနံ့ ချေကမွီးလို့ ကြိုင်
မောင်ကြီးစိတ်ကမထိန်းနိုင်..။

ချိန်းတွိကတ်တေ လပြည့်ည
အနမ်းမိုးတိရွာလို့ ချ…။

အချစ်တိနန့် စွတ်လို့ စို
ရင်ခွင်ထဲမှာ တေးခြင်းဆို…။

နှလုံးသားမှာ မိန့် မရ
လူပျိုဘ၀ အနှစ်သာရ….။

လှစီချင်ရေ အိမ်အပြန်လမ်း



အဖြူရောင်သုတ်ထားရေ
အာကာမိုးရိပ်တိထဲမှာ
စိတ်ကူးတောင်ပံဖြန့် လို့ 
ပျံကြည့်ချင်ယင့်…။

ထိုး…အ၀ီးမှာ
ပြောင်းလဲခြင်းတရားကို
နောက်လှည့်ထိုင်ထားရရေ
ရိုးမတိုင်း
အိမ်မက်ရိုင်းတိနန့် 
ဘင်္ဂလားလှိုင်းသံတိကြားမှာ
တတိတ်ချေ ဆိတ်ငြိမ်လို့ 
အတွင်းဒဏ်ရာ
သမိုင်းအနာတိနန့် 
သမိုင်းစကားကိုပြော
အနာဂတ်ကို တွိချင်ဇောနန့် 
ပစ္စက္ခလမ်းမထက်မှာ
လားနိန်ရစွာ ညောင်းနိန်လောက်ဗျာယ်….။

အသိတခု
အရင်းပြုလို့ 
တတ်နိုင်သလောက်ဝိုင်းဗျာယ်ကူ
စိတ်တူလက်တွ
ရင်ချင်းမြဲကေ
သေချာပါရေဝေ
ငါရို့ တိ အိမ်ပြန်လှကတ်ဖို့ ယေ…။

အိန်တာနတ်ချစ်သူ

(ပင့်ကူ)ပင်းခူအိမ်ချေပိုင်
လျှပ်စစ်စီးကြောင်းတိလက်ချင်းဆက်ထားရေ
ဝင်္ကဘာကွန်ယှက်ထဲမှာ
နှလုံးသားစာသားနန့် 
ရင်ခုန်ခြင်းသံဇိုင်ကို
တီးခတ်ဆိုလို့ 
မီးကိုရှာတွိခကတ်တေ လူတိထက်
ဒီဂရီမနိမ့်ကျရေ အပျော်တိနန့် 
အချစ်ကို မြင်လာကတ်တေ…။

ရင်ဖတ်အခွံနန့် 
မျှော်လင့်ချက်တိ ပျောက်နိန်ခရေ
အထီးကျန်နိန့် ရက်ချေတိ
အသက်ဝင်လတ်ဆတ်
လမ်းစ လျှောက်တတ်တေ
အဘုသျှေပိုင်
အချစ်ခရီးအတွက်
တာစထွက်ခွင့်ရပါလတ်တေ…။

ရီမြီကွာခြား
ပထ၀ီနံရံတိကြားမှာ
ရင်ချင်းကပ်ပနာ
ကဗျာစပ်ဖို့ မဖြစ်နိုင်ကေလေ့
အလွမ်းတိကို စွန်လုပ်ပနာ
အိန်တာနတ်အာကာပြင်မှာ
စက္ကန့် မိနစ်တိုင်းတင်ခွင့်ရနိန်ခြင်းက
အရသာတမျိုး…။
........................

ရခိုင်စာ


ရခိုင်ရို့ ဘ၀
ရခိုင်ရို့ အလှ
ရခိုင်ရို့ ကိုးကွယ်ရာ ရခိုင်စာ။

ရခိုင်ရို့ ဂုဏ်သိက္ခာ
ရခိုင်ရို့ ကံကြမ္မာ
ရခိုင်ရို့ အားထားရာ ရခိုင်စာ။

ရခိုင်ရို့ တန်ဖိုး
ရခိုင်ရို့ မျိုးရိုးအမွီ
ရခိုင်ရို့ အသိပညာ ရခိုင်စာ။

ရခိုင်ရို့ ဂီတ
ရခိုင်ရို့ ရသ
ရခိုင်ရို့ ယိုင်ကျေးမှု
စီးဆင်းလားနိန်ရေနိန်ရာ ရခိုင်စာ။

ရခိုင်ရို့ အတိတ်
ရခိုင်ရို့ အရိပ်
ရခိုင်ရို့ ခြီရာ ရခိုင်စာ။

ရခိုင်ရို့ ပစ္စက္ခ
ရခိုင်ရို့ အန္တိမပန်းတိုင်
ရခိုင်ရို့ ဆုပ်ကိုင်လားရာ ရခိုင်စာ။

ရခိုင်ရို့ အနာဂတ်
ရခိုင်ရို့ စိတ်ဓါတ်
ရခိုင်ရို့ ရှင်သန်ရာ ရခိုင်စာ။

ရခိုင်ရို့ အသက်
ရခိုင်ရို့ အိမ်မက်
ရခိုင်ရို့ မျှော်လင့်ချက်တိ
ကိန်းအောင်းနိန်ရေနိန်ရာ ရခိုင်စာ။


ရခိုင်ရို့ သွီး
ရခိုင်ရို့ ခရီး
ရခိုင်ရို့ လွတ်လမ်းကို
လမ်းပြပီးစီနိုင်ရေအရာ ရခိုင်စာ…။

..................

မှတ်ချက်။ရခိုင်သားရခိုင်သမတိက ရခိုင်စာကို မြတ်နိုးပနာ တန်ဖိုးထားလို့  ရီးသားဖို့ မကြိုးစားကတ်ကေ တခြားဇာလူမျိုးကလေ့ လာပြီးကေ ထိန်းသိမ်းစောင့်ရှောက်မြှင့်တင် ရီးပီးဖို့ မဟုတ်ပါ။ ရခိုင်စာနန့် ရခိုင်ရို့ စာပီ ဖွံ့ ဖြိုးတိုးတက်ခိုင်မာလာအောင် လုပ်ရဖို့ ဆိုရေ အသိစိတ်နန့် ဝတ္တရားက ရခိုင်သားရခိုင်သမတိုင်း ယုံကြည်စွဲမှတ်ထမ်းဆောင်လားရဖို့  မွီးရာပါတာဝန် ပင်ဖြစ်တေ။

ပညာတတ် ဖပြုတ်ကေ



အဘာလေး ...
ကြည့်ချထော
ကိုယ့်စွာကို ကျမ်းတတ်ပိုင်
ပြောလိုက်တေ စကားတိ
ငါရို့ လိုက်မမှီရာ ဒေ ....။

အဘာလေး...
ကြည့်ချထော
ချပြလိုက်တေ ပုံသေနည်း
အိုင်စတိုင်းတောင်
အဖိုးသျှင်ခေါ်နိန်ရယင့် ....။

အဘာလေး
ကြည့်ချထော
ကလိုက်တေဓား ပြိုန်းတောမှာ
သနားဖို့ ကောင်းလိုက်တေ
တတောလုံး ပြောင်လား ယင့် .....။

အဘာလေး
ကြည့်ချထော
ငြင်းလိုက်တေ ပြဿနာ
ရိုင်တည်ထားကေ
ရခိုင်ပြည် ကမ္ဘာကျော်လားဖို့ ယေ....။

အဘာလေး
ကြည့်ချထော
သျှင်ပြုပွဲလေ့ ဒေလူ
သမက်တတ်ပွဲလေ့ ဒေလူ
မရောက်စွာ ဟိမ့်သိမ့်လာဂု ......။

အဘာလေး
ကြည့်ချထော
မပြောချင်လို့ နိန်ရေလှုတိကို
ဆီးဆုံး ထင်နိန်လာမသိမ့်
ကျောက်ခဲ့ပိုက်ကေ
လက်ညောင်းလတ်မေ လို့ ဒေ..........။

ပြောခီကေ ခွီးပိုင်ကိုက်
မပြောခီကေ လဘောထင်
ဆီးဆောက်ကရောက် ပေါလဆီတိနန့်
အရည်မရ အဖတ်မရ
စုတ်ပီ စုတ်ပ ရီမှာဆုံး
ဖပြုတ်ကေ ရာဇ၀င် တုံး .....။

မင်းရို့တိလား
ရက္ခတိုင်းကို ကယ်တင်ဖို့ လူတိ
အလှပနိန်....မဟုတ်ကေ
ငါ...ဒရွင်စည်တီးလို့
ကမင်ညစ်ဖို့ ကျဖို့ ဒေ.....။
...............................
အေးမောင်(ရင်အုံတော်ဓာတ်)
၂၆၊၁၀၊၀၉

ဒီဇင်ဘာဆိုး



ခန္ဓာထက်က
စိမ်းသစ်လတ်ဆတ်နိန်ရေ
သမိုင်းအနာကိုစမ်းမိတိုင်း...။

နံရံလေးဘက်လေးတန်က
ပိတ်ဆို့ နှိပ်စက်ခြင်းတိနန့် 
အငြိုးကြီးနိန်ရေ
ပစ္စက္ခအခန်းချေထဲမှာ...။

အပြင်ဖက်က
နှင်းကြွီညဥ့်မှာ
ဆောင်းလီကြမ်းလို့ 
ချမ်းနိန်ရစွာ ကြာနိန်ဗျာလ်…။





လူမျိုးတမျိုးလုံး
အဆိပ်မိခရရေ ဒီဇင်ဘာ
တိုင်းပြည်တပြည်လုံး
ဆိတ်သုန်းပျောက်လားစီရေ ဒီဇင်ဘာ
အားကိုးအားထားလမ်းပြတံထားတိ
ကျိုးပဲ့ပျက်လားရရေ ဒီဇင်ဘာ
ဒုက္ခတိမော်ဒန်ဒီဇိုင်းအမျိုးမျိုးနန်
့ဆန်းသစ်နိန်သိမ့်ရေ ဒီဇင်ဘာ
ဆန္ဒအိမ်မက်မျှော်လင့်ချက်တိကို
သရော်စော်ကားနိန်ရေ ဒီဇင်ဘာ
နတ်ဆိုးတိကို ဂုဏ်ပြုပီးခရေ ဒီဇင်ဘာ
ကံကြမ္မာဆိုးကို အတိုးချထားခရေ ဒီဇင်ဘာ
ဒီဇင်ဘာ
ဒီဇင်ဘာ
ဒီဇင်ဘာ…၊၊

အလင်းတစက်
မီးတပြနန့် 
လက်ချင်းကူလို့ 
နွီးဖို့ ရက်က
အို... ဇာမှာ.......။ ။ ။

Thursday, November 5, 2009

သူသိပါစီ

အမှန်မှာတော့ခါ
စွန့်လွှတ်ခြင်းဆိုစွာ
နောက်ကွယ်မှာ
တိတ်တဆိတ် အခြွီခံလိုက်ရရေ
နှလုံးသား အပိုင်းအစတိနန့်
အလွမ်းမျိုးစေ့တိ က,ရာ
ငါ့အချစ်စစ်၏ပြယုဂ်တစ်ခုလို့
ငါမြင်ရေ...။

ခွင့်လွှတ်သီးခံခြင်းကဂါ
အချစ်စစ်၏ ပြယုဂ်တစ်ခုလို့ဆိုကေ
ငါငြင်းဆန်ချင်ရေ.ချစ်သူ .
ငြင်းဆန်ပါရစီ.. ။

ဇာဖြစ်လို့လဲဆိုကေ
ငါကမှ သူ့ကို
ခွင့်မလွှတ်နိုင်စွာကို
စွန့်လွှတ်ဖို့ချစ်ခစွာလည်း
မဟုတ်ပါ...။

ခွင့်လွှတ်ဖို့ဆိုစွာထက်
ငါ သူ့ကို မိန့်ပစ်ဖို့
အယင်ကြိုးစားရဖို့သိမ့်...။

သူ့ကို မိန့်ပစ်ဖို့ဆိုစွာ
ငါ့၏ အသက်ယှူသံတိ
ရပ်တန့်လားမှ ရပ်တန့်နိူင်ဖို့လို့
ငါထင်ရေ...။

ငါ့အချစ်တိက
ပကိတိ ဖြူစင်ရေလို့
ငါမပြောချင်ပါ...။

ပြောစကားတိ ဟိခပိုင်
ချစ်သူကို ချစ်လို့
စွန့်လွှတ်ရေ စွန့်လွှတ်ခြင်းက
အချစ်စစ်ဆိုစွာကိုလည်း
ငါက လက်မခံချင်...။

စွန့်လွှတ်ရေ ဆိုစွာ
လူပျော့လူညံ့ တစ်ယောက်အလုပ်လို့ရာ
ငါက ယူဆခစွာလေ...။

ယေကေလည်း သူထင်ရေပိုင်
ညစ်ထေးနီရေ စိတ်တိလည်း
ငါ့မှာ မဟိခဖူးပါ...။

ချစ်သူကို ချစ်လို့
ရရိုးချေပိုင်ဆိုင်ချင်ရုံမျှရာ

…။

ငါ့ဘ၀မှာ
သူတစ်ယောက်တည်းကိုရာ
ချစ်ခစွာလို့
ငါမပြောချင်ပါ...။

ယေကေလည်း
တခြားသော တစ်ဦးတစ်ယောက်ကိုလည်း
သူကလွဲလို့
တစ်ဘ၀စလုံးအတွက်ချစ်ခစွာလို့
မပြောဖူးခပိုင်
ရင်ထဲက မှန်ကန်ရေ
အချစ်စစ်ဆိုဟာကိုလည်း
သူ့ကိုတွိ့မှ သိခရစော်ရာ...။

ငါ သူ့ကို ရူးသွပ်ခမိလို့
သူ့ဥပေက္ခာတိ အောက်မှာ
ငါအကြိမ်ကြိမ် ကျယှုံးခဖူးရေ...။

ယေကေလည်
ငါဒူး မထောက်ချင်ခ...။

သူ့ဘားက
ငါမျော်လင့်ပြီး
မက်မောတမ်းတခစွာ
ဖြူစင်ရေ အချစ်တခုပါရာ...။

သူ့ကို ငါ့ ရင်ထဲက
နှစ်နှစ်ကာကာချစ်ခလို့
မိန့်ပစ်ဖို့ ကြိုးစားလိုက်တိုင်း
စီးကျလာရေ ငါ့မျက်ရည်တိကို
ကာရန်မညီရေ
ဒေပိုင် တပိုင်းတစ စာသားတိအဖြစ်
ငါရီးသားချင်ရေ...။

သူ မမြင်ချင်ကေတောင်
တခေါက်လောက်လှည့်ကြည့်ပြီ့း
သူ မဖတ်ချင်ကေတောင်
ရင်ဘတ်ထဲမှာ မှတ်ထားပီးပါလို့
ငါတောင်းဆိုဖို့ဆိုကေ
ငါတရားစကေလောက်လွန်ဖို့လား ...။

ငါဆိုရေ
သူမချစ်တေ ငါက
ငါ့အတွက်, သူ အသိအမှတ်ပြုဖို့အတွက်
ငါ့နှလုံးသားကိုရင်းပြီး
ဒဏ်ရာတိ ဗရဗွက်
တစ်ဘ၀စာ ထာဝရ တူးဆွဆဲဆိုစွာကို
သူ သိပါစီ…။

သူ့ အပေါ်ထားရေ
ငါ့အချစ်တိရာ စစ်မှန်ခဖို့ဆိုကေ
ငါ့နှလုံးသား ဒဏ်ရာတိ
ရင်ထဲမှာ သည်းထန်နီရေအလွမ်းမိုးတိ
အချိန်ဆိုရေ စီရင်ချက်နန့်အတူ
လောင်ကျွမ်း ပြာကျပါစီ.. .။

ငါ့နှလုံးသား
သီဆုံးလားသည့်တိုင်အောင်
သူရို့တိ
ထာဝရ လောင်ကျွမ်းနီပါစီလို့
ဆန္ဒပြုယင်းပါ...။
.............

Wednesday, November 4, 2009

ဖြစ်တည်မှု


တဖက်တချက်မာ မင်းနန့်ငါ
နားလည်မှုနန့် ဖြတ်သန်းနီကတ်ရခါ
သံသယဆိုစော်ကို စားလုံးမပေါင်းမိအောင်
သျှောင်ပနာ လျှောက်လှမ်းနီကတ်ယင်း
မကြာမကြာ ဝင်လာစော်အတွီးတခု
သွီးအီးယင်း အရှိန်ပျက်မလားဖို့
အားတင်းယင်းနန့် ဖြေသိမ့်ရရေ...။

ပူတုန်းသောက်မှ အာဟာရဖြစ်တေ
ဆန်ပြုတ်ချေ တခွက်ပိုင်တော့မဖြစ်ချင်
သုံးတန်ရာသီနန့် အစဉ်အမြဲလန်းမြန်းစီဖို့
မတောင့်တလည်း တောက်ပရေနီတစင်းအဖြစ်
ရှိဖြစ်ပျက်သမျှ ဒေ့ရင်ဆိုင်ယင်းရှိနီမေ
ကြွီကွဲခြင်းဆိုရေခေါင်းစိုင် အောက်မာတော့
ငါမင်းသားတပါးဖြစ် နာမည်မကြီးချင်
ညီမျှခြင်းက ငရို့ကြားမာဖြစ်နီသင့်ရေလေ...။

နိတိဆက်ယင်း ရက်တိပြောင်း
မဟောင်းမနွမ်း သသပ်ယယပ်နန့်
လည်ပတ်နီရေ ငါ့သွီးနှလုံးအိမ်ချေက
လွမ်းစေညွှန်ရာသို့ ဦးတည်စီးဆင်း
သတ်မှတ်ချက် အနီနန့်က တက်မက်မှုရာ...။

ယုံကြည်ပသ ကိုးကွယ်မှုဆိုစော်က
စိတ်၏သန့်စင် ဖြောင့်ဖြူးရာလေ
သက်ဝင်မြတ်နိူး တွယ်တာယင်းနန့်
မင်းရင်ရိပ်တွင်း ခိုလှုံအရောက်လှမ်းဖို့
မျှော်လင့်တမ်းတယင်း .....။

ရိုးရှင်းစွာ ဝန်ခံဘာရေ အရိပ်ချေ
မင်းဆိုရေ တယောက်သောသူကြောင့်
တက်ကြွစေ့ဆော်မှု တွန်းအားနန့်
င့ါမြစ်တစင်း အသက်ဝင်လှုပ်ရှားဗျာလ်
ထောင်ချီရေခရီး မရပ်မနားစီးဆင်းယင်း
မင်းကြောင့်ငါ ဖြစ်တည်ခရဗျာလ်ယေ....။
........................
ကျေးဇူးဘာ။

ပိုင်သျှေ

လွင့်မျောခြင်း တဖက်မာ


ရပ်တန့်လားရအောင်ထိ သွီးပျက်
ကြုံရပြန်လေ့ မျက်လွှာချဖို့ခက်တေလေ
မရင့်ကျက်သိရေ ဟန်ဆောင်မှုတိကြောင့်
အပြုံးမပြနိုင်စော် နားလည်ပီးဘာ...။

သင်ရိုးတန်းမရှိရေ ဘာသာရပ်ဖြစ်လို့
ပုံတူလိုက်ချဖို့လေ့ မဖြစ်နိုင်မှန်းသိယင့်
အားထုတ်စိုက်မတ်ယင်း မက်မောမိဗျာလ်
တက်မက်မှုနှိုးဆော်လို့ ထောက်ချက်တွင်းထဲ
ဝင်္ကဘာအမှတ်နန့် မွေ့ပျော်လည်နီတုန်းဘာ...။

ပုံသဏ္ဍာန်မရှိရေ ညဉ့်သန်းခေါင်ယံထဲမာ
အရောင်အဆင်းမဲ့ တိမ်တစင်းကတော့
ခေါင်းရင်ကော့မော့လို့ ဝင့်ကြွားနလီယင့်...။

ယကေလေ့ ...
အဆူးအခက်မရှိရေ နှင်းဆီချေတပွင့်
ဇာလောက်ထိများ မာန်ဝင့်နိုင်ခီဖို့လဲ
စက္ကုနန့်သွန်းဆစ် မီးတောက်ထဲတိုးဝင်ယင်း
ပြာအသွင်အဖြစ် လီမာလွှင့်လီရယာယေ...။

ဆောင်းတွင်းအိမ်မက်ပိုင် ခံစားမှုတိနဲ့
ဝေဒနာဆိုးတိကို တပွေ့တပိုက်ယူဆောင်လာ
တိုးဝှေ့လီညှင်းချေကိုလေ့ အပြစ်မတင်ရက်ပါ
ရင်ထဲကထွက်လာရေ သံဇိုင်တိလမ်းပြမှုနန့်
ရှိဆက်ပြီးကေခရီးနှင်ယင်း အားအင်တိကကုန်ခမ်း
ခရီးပန်းလို့ဒေရင်မာ ချွေးသိပ်ဖြေစရာမရှိဘာ...။

အလှတရားအပြည့်နန့် သဘာဝလောက
အပြစ်ဖို့လောက်အောင် နာကျည်းလေ့
ညီမျှမှုမရှိရေ အရောင်အစပ်အဟပ်ကြောင့်
ရွာခါနီးမှပြယ်ပျက်ရရေ မိုးသားတိမ်ရိပ်တိပိုင်
ငါ့ရင်မာ့ဆိုနင့်လို့ မင်းမရှိရေတနီရာမာရာ
အာကာပြိုလောက်အောင်ထိ ရွာချပလိုက်လီဖို့ဗျာလ်...။
.............................
အားလုံးကျေးဇူးတင်ဘာရေ။

ပိုင်သျှေ

ကျဆုံးခြင်း


လွှတ်ချလိုက် ကတည်းက
ကွဲကျဖို့မှန်း သိလိုက်ကေလေ့
စိတ်ထဲအသိ မသိစိတ်မာ
နှမြောတသ ဂလန့်ခံဗျာလ်
အမှောင်ထုထဲ ဆိတ်ငြိမ်စွာနန့်
ပြဇတ်ချေတပုဒ် မရှုမလှဘဲ
ပိတ်ကားချခံလိုက်ရဗျာလ်ကာယေ...။

မျိုသိပ်ဖုံးဖိ သိုသိပ်ယင်းနန့်
အတွင်းကြွီ ငါ့ဒဏ်ရာတိ
ပုပ်ပွဆွီးမြှေ့ ရခဲရိုက်ထားလေ့
အပြင်ဘက် ရုပ်ကလပ်ချေ
ဟန်ဆောင်ဗျလ် ကွယ်ဝှက်ယင်း
ကျောက်ရုပ်သွင် အဖြစ်နန့်ရာ
တနီရာမာ ဇာတ်မြှုပ်နီလိုက်မေ...။

ပြောင်းလဲမှုမာ မျောလိုက်ယင်း
အစိုးမရရေ ဒေလောကထဲမာ
မိန့်ဖျောက်မရ ငါ့စွဲလန်းစိတ်ကို
နီဝင်ရာဘက်မာ ငါ့ဝိဥာဉ်နန့်ထပ်တူ
ချိုင်ပနာ လွှတ်လိုက်ဗျာလ် ...။


ကြွီဗျလ် ဆိုခါကတည်းက
ပြန်ပနာ မဝေနိုင်ဖို့စော်တော့
လက္ခဏာ နက္ခတ်ကိုင်လေ့
လေးတန်း ကွက်ပျောက်ဖဲကို
ကိုးဂဏန်း လိုချင်ရေဆိုလို့
ထိုနာမည်ကြီး မျက်လှည့်ဆရာပိုင်
ငါ့မာ အစွမ်းမရှိစော်တော့
နောက်ကုန်းမာ လာအပ်တေဓား
တရားခံက ကံကြမ္မာရာလာဝေ ...။
..................
ကျေးဇူးဘာ။

တီတာတာ

လွမ်းနီရေ အရိပ်ချေ


တပ်မက်နီရေ အချစ်ချေ
မင်းမျက်ဝန်းအကြည့်တိနန့်
လှမ်းခေါ်ရေ အသံချေ
တုန်ခါနီ ဒေရင်ဘတ်ထဲက
မက်မောရင်း လွမ်းရေဝေ...။

သတိရရေ အချစ်ချေ
အနမ်းတိ ဝေရေညနန့်
အပြုံးကဘာ နိရက်တိ
တယောက်တည်း ခုချိန်
မျှော်တွီးယင်း လွမ်းရေဝေ...။

ကြယ်မရှိ လမရောက်
တိမ်ရိပ် မိုးသားတိလေ့
အမည်မဖော်ဘဲ ပျောက်
ငါတယောက်တည်းနန့်
လွင်တီးခေါင် ဒေသမာ
ခိုလှုံစရာ လမ်းမရှိပါဝေ...။

မင်းမရှိရေ ငါ့ဘဝမာ
အလွမ်းတိ တာကျိုးလို့
ပြည့်သိပ်နီ စိုးရိမ်စိတ်တိ
နယ်ကျွံလေ့ လွှတ်မိဗျာလ်
မင်းစိတ်နန့် ရူးပါစီဖိဝေ...။

လိုအပ်တေ အချစ်ချေ
ပုံပမာ နှိုင်ယှဉ်လို့မရ
ရိုက်ပြီးသား တံဆိပ်
မြဲနီဖို့ ယုံကိုးလင့်စားယင်း
ငါ့အလွမ်းတိ မင်းသိပါစီဝေ...။
..................
ကျေးဇူးဘာ။
တီတာတာ

မျှော်တော်မူ


မမြင်မတွီ့ရ နိရက်တိ
မိုးရာသီ ဖြတ်သန်းရပိုင်
ငါ့အဖြစ်က မျောယင်း
ရီးစီးအတိုင်း ဦးတည်ရာမဲ့
ကမ်းပျောက် လမ်းပျောက်
တစ်ရင်လုံး ပပက်ပျိုလို့
ရစရာမရှိ အဖြစ်ချေကို
သိနိုင်လီဖို့လား အချစ်ချေ...။

ဆောင်းတွင်း ခခိုက်တုန်
စိမ့်ပနာအီး ငါ့တခန္ဓာလုံး
ထင်တိုင်းတိုက် လီအောက်
ဇကုန်ချမ်း ခိုလှုံစရာမဲ့
ဆက်သရ အဖြစ်ချေကို
သိနိုင်လီဖို့လား အချစ်ချေ...။

တွီးလီတိုင်း အောက်မိန့်
ရုတ်တရက် ဗြုန်းခနန့်
ဝေး......ဆိုပနာ ......
လှမ်းခေါ်ဖို့လား
အကုတော့ ရက်ဆက်လို့
လွမ်းရက်တိ ရင်မာပိုက်
အပိုဆုက တောင့်တမှုရာ...။

ပွေ့ပိုက် ဖက်တွယ်ယင်း
နှလုံးသားက လွမ်းရေ
အဝီးက မင်းတယောက်
လှမ်းလာဖို့ ရက်ချေကို
ငေးရင်းနန့် တက်မက်
ဆွီးမြည့်ယင်း ကြွီဖို့လား
မြီမခချိန်ထိ တင်းခံယင်း
မျှော်နီမယ် မင်းကိုလေ...။
.....................
ကျေးဇူးဘာ။

တီတာတာ

အမှားဘက်မှာ

မချိန်ဘဲပစ်တေသေနတ်

မသိဘဲပြောရေစကါး

မူမဟိဘဲဆွဲရေဇယား

အသဲမပါဘဲထားရေရည်းစား

လွဲမှားဖို့စွာ....ရာခိုင်နှုန်းအများ..။

...................

Ashon (အသျှင်)

ရိုးမသက်သီ


ထီးနန်းပျောက်စက
တဝီဝီကျွီးဗျာလ်
လူပေါင်းသန်းနန့်ချီ
ငိုကြွေခရေနိန့်...။

မျိုးမြတ်တန်းဆာ
ရှေးလက်ရာတိကို
အမှုန့်ညက်အောင်းဖျက်
ပညာဟိမှန်သရွိ
အစပျောက်အောင်သက်တေနိန့်..။

ပြင်လယ်ပြင်ကြီးကို
ဒုက္ခရောက်ရခိုင်သားတိ
လောင်းစီးပနာ
ဘင်္ဂလားကိုထွက်ပြီးရရေနိန့်....။

ကယ်ပါကူပါနန့်
သန်းနန့်ချီလူတိ
မျက်ရည်ကိုယ်စီနန့်
အသက်တခုတွက်
လက်ယန်းဗျာလ်
အသနားခံခရေနိန့်..။

စားစရာမဟိလို့
ထမင်းတထက်စာအတွက်
ထိုက်ပွဲဝင်လူတိကို
မညှာမတာသက်ပစ်ခရေနိန့်..။

အလုံးစုံဖြစ်ရပ်မှန်ကို
ကမ္ဘာဥပဒေခုံရုံးမှာ
သက်သီပြဖို့
ရွီးထုတ်လိုက်ခါ
အသျှင် ရိုးမအသိဆုံးပါ..။

အတိုင်းဆမဲ့ ချစ်ရသူတွက်


အီးမြရေ စမ်းချောင်းတခုဘာရာ
ဖြတ်သန်းမျောပါသမျှ မမှုဘဲ
စီးဆင်းရာသို့ ခွင့်ပြုလိုက်လျော
အဟန့်အတားမဲ့ လိုရာလားဘာ
ဖြစ်ပျက်ခြင်းတိုင်း ငြိမ်သက်ယင်း
မကုန်ခမ်းရေ သံယောဇိုဉ်တိနန့်
ငါအမြဲတမ်း ရှိနီပါမေချစ်သူ....။

စပျိုးမိခရေ ညချေကစဗနာ
မျှော်လင့်ချက်ချေ တသီတပိုးနန့်
ထမ်းရွက်ဦးတိုက် ဆက်သနီဆဲ
တနိဇာတမ်းခြင်း အနီနန့်ကတော့
အရောင်မပြယ် ချစ်ခြင်းတိကို
မှိန်ပျော့ ရွှင့်မလားလီရအောင်လို့
အသည်းရင်လွှာ အထက်နားမာ
ကမ္မည်းထုဆစ် တိုင်တည်းယင်း
မြတ်နိူးနီရသူဘာ ချစ်သူ....။

မှော်ဆရာကိုင်ထားရေ လက်ထဲက
ငှက်ချေတကောင် ဘဝချေပိုင်
သူ့နှင်ရာ ပြောင်းလဲဖြစ်တည်ဖို့
ပျံသန်းဖို့ အတောင်ပံခတ်ခါမှ
ငွေမှုန်တိရာ ကြဲကျလားရေအဖြစ်
အံ့သြသင့် ပရိတ်သတ်တိကြားထဲ
လက်ခုတ်သံတိ အလယ်မာ
မင်းကိုယ်တိုင် ပါဝင်နီဖို့လားချစ်သူ....။

အသင့်ဆိုရေ စကားလုံးအဓိပ္ပါယ်က
သခင့်အတွက် ကျိုးနွံဖို့အတွက်ရာလေ
ရင်ခွင်မာ ပြန့်နီရေဒေအဆိပ်တိတွက်
ပြေစီဖို့ တောင်းဆုမခြီချင်ဘာဗျာလ်
ပျော်မွေ့ဖက်တွယ် သာယာယင်း
အဆုံးသော အချိန်အခါထိတိုင်အောင်
စိတ်အစဉ်မာ ခြယ်လှယ်ဘာချစ်သူ....။

တစ်ဘဝရင်း တယောက်တည်းတွက်ပါ
သောကတိ ဝေနီရေရက်တိထဲမာ
ရသအမြောက်ဆုံး မင်းအပြုံးတစုံနန့်
ကြင်နာစီရေ အနမ်းချေတိဝေယင်း
မမြန်းမလန်း ညှိုးငယ်နီစိတ်တိဖယ်လို့
တောက်ပရေ နိရက်သစ်တိဆက်ဖို့
ခွန်းအားတိ စွန့်ကြဲပီးသနားဘာချစ်သူ....။
.......................

ကျေးဇူးဘာ။

တီတာတာ

  © Blogger templates 'Sunshine' by Ourblogtemplates.com 2008

Back to TOP