သက္ကာယဒိဋ္ဌိများ နှင့် “ငါရခိုင်”

ငါပြောစွာ အမှန် ၊ ငါကြံစွာ အဟုတ်
ငါလုပ်စွာ အကောင်း ၊ ငါပြောင်းစွာ အသစ်
ငါချစ်စွာ လူမျိုး ၊ ငါရိုးစွာ သစ္စာ
ငါရှာစွာ ပညာ ၊ ငါလာစွာ မင်းတွက်
ငါမက်စွာ ငွေကြီး ၊ ငါပီးစွာ ဓန
ငါရစွာ ဥစ္စာ ၊ ငါ့မာနစွာ ငါ့အသိ
ငါဟိစွာ ငါမျို ၊ ငါလိုစွာ ငါတောင်း
ငါ့ခေါင်း ငါပျင် ၊ ငါ့လင် ငါယူ
ငါ့အပူ ငါငြိမ်း ၊ ငါ့ယိမ်း ငါက
ငါ့အလှ ငါသ ၊ ငါ့ဘဝ ငါပြောင်း
ငါ့လောင်း ငါစီး ၊ ငါ့ချီး ငါမွှီး
ငါ့စီး ငါတား ၊ ငါ့သား ငါကယ်
ငါ့လယ် ငါထွန် ၊ ငါ့ဟန် ငါလိမ်
ငါ့အိမ် ငါဆောက် ၊ ငါလျှောက် ငါ့လမ်း
ငါ့စခန်း ငါချီ ၊ ငါ့လီ ငါထုတ်
ငါ့အလုပ် ငါရှာ ၊ ငါ့သိက္ခာ ငါဆယ်
ငါလူလည် ငါ့စကား ၊ ငါ့တရားနာယူ
ငါ့ပိုင်လူ ဇမ္ဗူမှာ မဟိ .. ။

ငါ့အသိ ငါ့ဗီဇနန့်
ငါ့လီ ငါမပိုင်
ငါ့မြီ ငါမဆိုင်
ငါ့ရီ ငါမချိုး
ငါ့အမျိုး ငါမကယ်နိုင်
ငါ့သီလ ငါမခိုင်လျှင်
ငါပင် “ရခိုင်” ဟုတ်ယင့်လား... ။

..............
မိုးကိုလင်း

အဘာသို့ စွပ်စွဲခြင်း

အဘာ....
မဟာရ အမှားတစ်ခုကို
အဘာ လုပ်ခဖူးလာ...။

နာရီ၊အချိန်တိ
တိုလိုက်တေဘင်
နိတိ တိုလိုက်တေဘင်
အသက် ဘ၀ တိ
တိုလိုက်တေဘင်....။

အဘာ....
လိူင်းကကြီး
မှန်တိုင်းက ထန်စွာကို
အဘာသိရေ နန်း ....။

ဇာဆို ဇာဖြစ်မှန်းမသိရေ
မဟာရ ဒိဒုံး
အမှောင်ထု ထဲမှာ
သားချေရို.ကို
လက်ခုတ်သီးခတ်ထားစွာ
အဘာသိရေ နန်း ....။

အဘာ...
ယင်းသူရို. ကတိစွာ
ဇာလဲ...
ယင်းသူရို. အပြုံးစွာ
ဇာလေ.......
ယင်းသူရို. ချစ်တေဆိုစွာ
ဇာလဲ....
ယင်းသူရို့သဘောထားကြီးစွာ
ဇာလေ
အဘာ ချကြောင်းကပင်
သိရေ ထင်ရေ....။

ကြိုးထက်မှာ
ဘားကစပ်ကေ
လူးမကျအောင်
ချိန်ရဖို့လား အဘာ....။

ယကေ
ဖောက်ပြန်ရေ
လူတိ လက်က
ရုန်းထွက်ရေခါ ၀ါ
အစွာပိုင် ပျင်ရဖို့ရောင်...။

ကိုယ့်ကိုယ်ကိုကာကွယ်စွာ
မျက်ကန်းမျိုးချစ်လို့
အဘာ ထင်လာ..
မဟုတ်ကေ အားနည်းသူရို.
တာဝန်လို့အဘာထင်လာ.....။

........................
အေးမောင်(ရင်အုံတော်ဓာတ်)
၂၅၊၀၆၊၀၉

ချစ်ညီချေ၊ ချစ်နှမချေသို့...

ချစ်ညီချေ...
ကျောင်းလားပါ ဝေ
မပျင်းပါကေ့ ဝေ
၎ တန်းက ထွက်ပြီးကေ
နွားကျောင်းဖို့
စိတ်မကူး ပါဂေ့ ဝေ ....။

ချစ်နှမချေ....
မပျင်းပါဂေ့ ဝေ
ဆီဝယ်ဖို့ ဖဲ့သာမဟိကေ
ဓာတ်မီးတိုင်အောက်မှာ
စာကိုဖတ်ပါ ဝေ
ဓာတ်မီးတိုင် မဟိကေ
မီးလှုံရေ မီးဖိုနားမှာ
စာ ကိုဖတ်ပါ ဝေ ...။

ချစ်ညီချေ...
ဘ၀မှာပညာတက်အောင်
သင်ပါ ဝေ
အပျော် မလိုက်ပါဂေ့ ဝေ
ပညာရွှေအိုး လူမခိုးလတ်
တက္ကသိုလ်တက်ပါ ဝေ
အင်္ဂလိပ်စာ သင်ပါ ဝေ .....။

ချစ်နှမချေ....
ဘ၀ ကို တစ်ခါလေ့
လက်မြှောက် အယှုံး
မပီလီဂေ့ ဝေ
ကြိုးစားရေ လူတွက်
မဖြစ်နိုင်စွာမဟိပါ ဝေ....။

ချစ်နှချေ...
ပညာတက်ကြီးဖြစ်လားဂေ
အဖ ကျေးဇူးပြန်ဆပ်ဖို့
ရိုးတောင် တစ်ဘက်ကို
ပြန်လာပါ ဝေ
မင်းတက်တေ ပညာတိနန်.
စွမ်းဆောင်ပါ ဝေ...။

ချစ်နှမချေ...
အဖ နန့်ဘ၀ ကို
မမိလီပါဂေ့ ဝေ
လူရပ်ပြည်မှာ
ဇိမ်တွိလားဂေ လေ့
အဖပြည်ကို ပြန်သတိရ ပါ ဝေ ......။

..............................
အေးမောင်(ရင်အုံတော်ဓာတ်)
၂၅၊၀၆၊၀၉

အဘာလေး မွန်းရေ

“ဟုတ်ကဲ့ ခင်ဗျား”
“အမေ ယခိုင်
အဖေ မျန်မာ”ပါ
“ကျူပ် ယခိုင်ပျည်ဂျီးကို
ချစ်ပါဒေ ....။”

အီးယောင်လေး!

“ဟုတ်ကဲ့ ချိန်”
“အမေ ယခိုင်
အဖေ ယခိုင်”ပါ
“ယန်ကုန်မှာ ကျီးဒါပါ
ယခိုင်လို့ဒေါ့ မပျောတက်ဗူး
ယခိုင်ပျည်ကို
မယောက်ဖူးဗူး”

ဘားဘာလေး!

“ဟုတ်ပါယင့်”
“အမိ ရခိုင်
အဖ ရခိုင်”ပါ
“အသျှေကဘင်
မြန်မာစာ သင်လာစွာပါ
ရခိုင်ပိုင် ရွီးဖို.စွာ ရှက်ပါရေ
ရွီးဖို.လေ့ မတက်ပါ”

သီဖိ ယကေ!

“ဟုတ်ကဲ့”
“အမိ ယခိုင်
အဖ ယခိုင်”ပါ
“ယခိုင်ပြည် သံတွဲက ပါ
ယခိုင်အစစ်တွေလို့တော့
မယေး၊မပျောတတ် ပါ”

သီကတ်ယာလူရို!

“ဟုတ်ပါရေ”
“စစ်တွေကပါ
အမိရခိုင် အဖ ရခိုင်” ပါ
“ရခိုင်ပြည်နယ်ကပါ
အဂု စစ်တွေမှာ
တိုက်တိ အမြင့်ကြီးဆောက်
ရထားလမ်းတိဖောက်
ကကောင်းတိုးတက်နိန်ပါယာ”

အဝေး ဖင်ကြွတ်စူး
ဈီးကို ဗြီးဖိ
မွန်းရေလူရို.၊ ငါ အဂွင့် မွန်းရေ...။

.....................
ဖင်ကြွတ်စူး(ရမ်းဗြဲကျွန်း)

ရင်နင့်ရွက်ကြွီ

ဖြုတ်ခနန့် ကြွီကျလားရေ
သစ်ရွက်ကြွီချေ...
နွီကိုရာ အပြစ်တင်ရဖို့လား
လီကိုရာအပြစ်တင်ရဖိ်ု့လား
ဆွဲငင်မထားခရေ သစ်ပင်ကိုရာလား
လွဲစင်လားရေ ဇာတ်ညွှန်းကို
ပျင်ဆင်ချိန်မရ
လှိုင်းသတ်လားရေ သဲမြို့ပိုင်
ဘဝက ရရောင်းခတ်ကျန်ခရေ။

နိူင်းမပြတတ်တောင်
ပျဉ်ဖိုးနားမလည်တတ်လို့
နောက်တစ်ခါဆိုလည်း
ဝပ်ဆင်းခ,ယချင်ပါယင့်။

အာကာကိုထောင်ပစ်ရေ
မျှားတစ်စင်းအဖြစ်က
စိုက်ဖို့ ပစ်မှတ်မဟိမှန်းသိချိန်
အရာရာနောက်ကျလို့
မြီပြင်ကို အလဲလဲပြိူဆင်းခရလည်း
တခါက ဆိုစွာ တစ်ခါက ရာ
ဖြစ်လားမနားယေ။

သစ္စာခြောက်ခမ်းနီရေ သူ့ရင်မှာ
မြီသြဇာမဟိဘဲ ပေါက်လာရေ
ကတိ တိ အသီးမအောင်ခါမှ
ရွှေယုန်နန့်ရွှေကျား ဝတ္ထုထဲက
ရွှေကျားကို အထင်သေးမိရေအတွက်
နောင်တရမိပါယင့်။

နောင်တဆိုစွာ ကြိုတလို့မရပိုင်
ဘဝဆိုစွာလေ့ ကိုယ်ချင်ပိုင် ဆွဲလို့ရရေ
မျှဉ်းတစ်ကြောင်းကမဟုတ်။

ရလာရေ သင်္ခန်းစာတိ
ချိတ်ဆွဲလို့ကြည့် ပြန်လေ့
မြိုးလုံးကျွတ်ထွန်းထားရေ
ဝါကျွတ်မီးပုံးတိရာ ဖြစ်လားရေ။

အင်...
တစ်ယောက်တည်း
လှန်ပြီးထောင်းပလိုက်စွာ
ကိုယ့်ပေါင်တောင်မှ
အမှုန့်မှုန့် ကြွီပါလားဗျယ်။

ယေတောင်..
ခြွင်းချက်အတွက်
အရောင်မစွန်းခရေ စိတ်က
ညစာက နူတ်ဆက်လားရေ နီကို
ပြန်ထွက်လာနိူးနိူးနန့် မျှော်လင့်ယင်း
နီဝင်လားရေ အနောက်ဖက်ကိုရာ
စောင့်မျှော် ကြည့်ငေးနီမိရေ...။
.....................

အားလုံးကိုကျေးဇူးတင်ပါရေ
ညီစု (၀၅၊၀၅၊၂၀၀၉)

အဘာဆောက်ခရေ အိမ်ပြိုဟောင်း

အဘာဆောက်ခရေဒေအိမ်ကြီး...
နွီရာသီမှာ လီဗွီကြောင့်ရာ
အမိုးအကာတိကွာပနာ
ပျက်စီးလားခစွာ လား...။

မိုးဦးကျခါးသီးဖို့ကောင်းရေမုန်းတိုင်းက
တဟုန်းဟုန်အော်ပနာဖြိုဖျက်ခလို့
ပျက်စီးလားခစွာ လား...။

ပျဉ်စီပျဉ်ထောင်တိနန့်
လှပခန့်ငြားခရေ ဒေအိမ်ကြီးကို
ခြတိဖြိုပျက်လို့ ဆွီးပျက်လားခရစွာလား...။

အုပ်မြစ်နောင်းနောင်း အခြီကောင်းနန့်
ကမ္ဘာရွာမှာ အခိုင်ဆုံးလို့ သုံးနှုန်းခစွာ
ဇာအတွက်ကြောင့် ပျက်စီးရလီလဲ...။

ဒေအိမ်ကြီးမှာ ရွှီ ငွီ(ငွေ)ကျောက်စိန်
ပြည့်နီခစွာ ဇာလူယူလို့ ပျောက်လီခလဲ...။

တစစီပြို အခုစီပျောက်
ကောက်ကိုင်လို့မရ ပျက်လားခရေ
ဒေအိမ်ပြိုဟောင်းကို
သားကြီး သားချေ သားလတ်တိနန့်
သမီးထွီးပါ ဝိုင်းဗျာလ်ကူကေ
တတူညီညီ ပြန်ပျင်ဂတ်မည်
ဒေစွာအဘာဆောက်ခရေ
အိမ်ပြိုဟောင်း..။

..................
Ashon(အသျှင်)
June 22, 2009

အဂင့်ထားပစ်ခဗျာယ်လား

တောင်းပန်နီရေ
ငိုရှိုက်သံတိကိုပစ်ချ
ငါ့ကိုအညှာတာမဲ့ထားခ၀ံ့ရေလို့
အဂင့်ထွက်လားခဗျာယ်လား…။

“ငါ့ အနားမှာ
ဇာခါမဆိုဟိနီပီးဖို့
ယုံလောက်အောင်ချွဲသိပ်ပနာ
မထားခပါ”ဆိုရေ စကားလုံးတိနန့်
အဂု ထားပစ်ခဗျာယ်လား...။

ငါ မယုံချင်ပါ…
ကကောင်းချစ်ရေငါ့ကို
ထားခရေလို့….။

ထို…အ၀ီးကို ထွက်မလားလို့
စိတ်ညစ်နီရေ အချိန်တိမှာ
ငါ့ကို ရင်ခွင်ငှားနိန်ကျ.
အဂု.. မဟိယာဆိုစော်
ငါ ဇာပိုင်လက်ခံရဖို့လဲ…။

ဆည်းဆာတောင်မှငိုလို့
အိပ်တန်းတက်ငှက်တိ
အသီးသီးတောင်ပံဖြန့်ယင်း
ငါ့မှာတော့ခါ
မက်နိန်ကျအိပ်မက်တိမှာတောင်မှ
မျက်ရည်တိကျလို့
ရှေ့ဆက်ရဖို့လမ်းကလည်း
ဇာနိန်ရာမှာလည်းမသိ
အဂင့်ထားပစ်ခဗျာယ်လား….။

...............
ကေအိုတီ
စာရီးသူ ကျောက်ဖြူသူ
Sunday, June 21, 2009

ဒေါ်လာ ? ပဟေဠိ

ရတနာ ဓါတ်ငွေ့သိုက်
ဒေါ်လာဖြစ် ကေလည်း
ငရို့ရခိုင်ပြည်မှာ
ဒင်္ဂါးတိ စုတ်ပဲရေ အဘုချေ ။

ပုဇွန် နှင့် ရီခူ
ဒေါ်လာယူ ကေလည်း
ငရို့ရခိုင်ပြည်မှာ
ဒင်္ဂါးတိ စုတ်ပဲရေ အဘုချေ ။

ကမ္ဘာလှည့် ခရီးလား
လာဖန်များ ကေလည်း
ငရို့ရခိုင်ပြည်မှာ
ဒင်္ဂါးတိ စုတ်ပဲရေ အဘုချေ ။

ဆန်စပါး သားငါး
သစ်သီးဝလံ
ပေါပြည့်လျံ ကေလည်း
ငရို့ရခိုင်ပြည်မှာ
ဒင်္ဂါးတိ စုတ်ပဲရေ အဘုချေ ။

ဘင်္ဂလာကိုလား
ပင်လယ်ဆား ထွက်ကေလည်း
ငရို့ရခိုင်ပြည်မှာ
ဒင်္ဂါးတိ စုတ်ပဲရေ အဘုချေ ။

များပြားဒေါ်လာ
ဒေဖေသာတိ
ကြက်ပျောက် ငှက်ပျောက်
ဇာကိုရောက်လေ
အဘာလည်း မသိဝေ အဘုချေ ။

အစိမ်း အပြာ ၀တ်ထား
သူတောင်းစားနှင့်
ကိုယ့်လူကို သွီးစုပ်
အမြတ်ထုတ်တေ စံရဖွေတိ
တနိန့်တခြား
ပိုလို့များလာရေ
သတိထားဝေ .. အဘုချေ ။
...................

မိုးကိုလင်း

ရင်ထဲကအလွမ်း

ရင်ထဲမှာ..
ဖြစ်တည်နီရေအလွမ်း
ရပ်တန့်နီရေနှလုံးသား
ရှင်သန်နီရေအချစ်…။

အားလုံးကို
ရင်ဘတ်ဒေါင့်တစ်နိန်ရာမှာ
အသည်းတံခါးချေပိတ်လို့
သိမ်းဆည်းထားလိုက်ယာ...။

ချစ်တတ်ခပြီးမှ.
အမုန်းတိနန့်
ပြတ်တောက်ပိုက်ရဖို့ယာလား....။

မလှည့်စားပါဂေ့..
လှိုင်းတိကရာလိူင်းတိကို
ကမ်းစပ်ရောက်အောင်
ပို့နိုင်ရေပိုင်…။

ငါရို့နှစ်ယောက်အချစ်တိက
ငါရို့နှစ်ယောက်ကို
ပျော်ရွှင်ရေဘဝတစ်ခုဆီ
ရောက်အောင်ပို့နိုင်ဖို့လို့
ငါယုံကြည်ခရေ...။


ငါရို့နှစ်ယောက်
တစ်ယောက်ကိုတစ်ယောက်
အပြန်အလှန်ချစ်ခစော်လား…။
.
“နိုး....”
တစ်ယောက်က
တစ်ယောက်ကိုချစ်ခစော်ရာ…။

ယေဂေလည်းဆိုရေ
နောက်ကွယ်မှာ ..
အ၀ီးဆုံးကို
ငါတစ်ယောက်တည်း
ပျံသန်းဖို့ကြိုးစားနီယင်း..
သတိရခြင်းပေါင်းများစွာနန့်…။
…………..
ကေအိုတီ (ကျောက်ဖြူသူ)
June16,2009
7:51 PM

ဒေချင့် လား ရခိုင်သား

ကြက်ကို ခဲဝါလာဆွဲခါ
တိန်းနိန်ပြီးကေ
အိမ်သျှင်ဝင်လာရေခါ
တဂေါင်းဂေါင်းနန့်ထဟောင်ရေ
ဒေခွီး ...
ဇာပိုင် ခွီးလေ့ ......။

ကိုယ်စကား၊ကိုယ့်စာကို
ရွီးဖို.၊ပြောဖို. စွာကို
ရှက်တေ၊ ကြောက်တေ
လူများ စာ၊လူများစကားကို ကျကေ
ကြွိ နိန်အောင် ပြောနိုင် ရွီးနိုင်ရေ
လူတိ....
ဘဇောင်လူတိ ရောင်....။

သူခိုးတိ ယာကိုဖျက်ပခစွာကို
မမြင်ဟန်ဆောင်
မျောက်နှင်ခါမှ
ထအော်ရေ
ယာသျှင်...
ဘဇောင် ယာရှင်လေ.....။

ကိုယ့်အိမ်မှာချက်တေ
ဟင်းကို မကောင်း
လူအိမ်က ဟင်းကိုရာ
စားလို.ခြီရေ လတ်
ဘဇောင် လူအိမ် ကောင်းတိလဲ....။

ကိုယ်လူမျိုး ဝေဖန်ကေ
ရိုင်းရေလတ်
အောက်သား ကော်နှက်ခါ
ပြုံးစိ၊ ပြုံးစိ နန်.
ပန်းကျ ကျလို.
ဒေချင့်လား တိုးတက်ရေ
လူအဖွဲ.အစည်း .....။

ထမင်းငတ်နိန်ခါ
ရခိုင်အမျိုးသား
ကောင်းစားရေ
လွတ်လပ်ရေး
ညီညွတ်ရေး
နိုင်ငံခြားရောက်လို.
အဆင်ပြေ
ဇိမ်တွိလားခါ
အဖ ပြည် လှည့်တောင်
မကြည့်ကတ်ယာ
ဒေချင့်လား ...
အာရီယန် .....။

...............
ဖင်ကြွတ်စူး(ရမ်းဗြဲကျွန်း)

ထော... ကြည့်လိုက်

ရန်ကုန်ရောက်
ရခိုင်သမချေ
တစ်ယောက်
မြန်မာချေတစ်ယောက်နန်.
ကြားတိုင်းရောက်.....။

ထော....ကြည့်
စင်ကာပူရောက်
ရခိုင်သမချေ တစ်ယောက်
မြန်မာချေတိနန်.
ဆီးဆောက်ကရောက်......။

ထော.....ကြည့်
နယူးယောခ် ရောက်
ရခိုင်သမတစ်ယောက်
ဘောက်သာ ဆိုးနန်.
လှော်လီ စည်းဖောက်.....။

ထော...ကြည့်လိုက်
ပြည်ပရောက်
ရခိုင်ခေါင်းဆောင်တစ်ယောက်
မြန်မာတိနန်.
ရွှေလမ်း၊ငွေလမ်း ဖောက်....။

ထော.....ကြည့်လိုက်
ရခိုင်အမျိုးသားရီးလုပ်တေ
ရခိုင်သားတစ်ယောက်
မြန်မာမနန်.
ဟိဟိ...ဟားဟား ...ဟောက် ....။

...................
ဖင်ကြွတ်စူး(ရမ်းဗြဲကျွန်း)

လခြမ်းချေ

အချေခါ..
"လခြမ်းချေ" ကို
ရာဟုဖမ်းကေ
ဘာဘာ ကို ဖက်လို.
ငါ..
ငိုဖူးရေ ....။

လူပ်စိ၊လူပ်စိ နန်.
ရုန်းထွက်နိန်ရေ
"လခြမ်းချေ" ကို
ကြည့်လို. ..
ငါ...
ဝမ်းနည်ဖူးရေ ...။

ဇွဲသတ္တိ အပြည့်နန်.
ရာဟုလက်က လွတ်အောင်
ရုန်းထွက်တေ
"လခြမ်းချေ" က
ငါ့ ကို ...
သတ္တိမွီးဖွားစီဖူးရေ....။

အာကာကို
မျော်ကြည့်ယင်း
ငါမျက်စိ အောက်က
ပျောက်လားခရေ
"လခြမ်းချေ" ကို
ငါ့ ကို ပြန်ပီးဖို.
ဘာဘာ ကို
ငါ...
ပူဆာဖူးရေ ......။


ရာဟုလက်က
လွတ်ကျပါလတ်တေ
"လခြမ်းချေ" သတ္တိကို
အားပီးလျက်
"လခြမ်းချေ" နန်.အတူ
ငါ....
ပြိုင်တူ ရယ်ဖူးရေ ....။

အိမ်ပြန်ရောက်လို.
အိပ်ရာဝင်ချိန်
အိမ်မက်ထဲမှာ
"လခြမ်းချေ" နန်.
ငါ..
စကားပြောဖူရေ.....။

အိမ်မက်ထဲက
"လခြမ်းချေ" က
ဇွဲမလျော့ဖို.
သတ္တိဟိဖို.
စိတ်ဓာတ်မကျဖို.
အရှုံးလုံးဝ မပီးဖို
ငါ့ကို...
အားပီးဖူးရေ ......။

.............
အေးမောင်(ရင်အုံတော်ဓာတ်)
၂၁၊၀၆၊၀၉(၀၀:၁၆)

အရိပ်စီး အိမ်မက်

စိတ်ထဲမှာတက်သီးခေါက်လို့
အရိပ်စီးအိပ်မက်ကိုဖျောက်ဖို့
ငါစိုင်းစားနိန်ရေ…။

“အပင်တစ်ပင်”
မိုးကြီး လီကြီးထလို့
အသီးရွက်တိကိုခြွီချ
တဖြုတ်ဖြုတ်ကြွီကျ
မြီခလားရရေ အကိုင်းအခက်
ဖူးပွင့်သီးရွက် ရင့်ကျက်ခွင့်မရ
ဒါဏ်ရာဂျဗေါင်းထလို့
ဂေါင်းထောင်မပြအောင်
ရက်ပြတ်ရက်ပြတ် ဓါးကြီးနန့်လာခွတ်
စုတ်ပြတ်သတ် အမြစ်ဖြတ်ပနာ
ဘဗောင်းဆာလို့ လှဲပလိုက်ယာ…။

“ဗလိတရွီ”
လှိုင်းကြီးလီကြီးကျ တစ်ရက်နိန့်
ပျော်ကြီးကျဗလိတရွီ ဇာလားရဖို့မသိ
ကမ်းမမြင်စမ်းမမြင်
လမ်းပင်လယ်ပြင်မှာ ဖေါင်စီးလို့
တရွီ တဖင် တစင်းတင်…။

“ရောင်ရင်”
ရောင်ရင်သုံးကောင် လက်မထောင်
ဘောင်ဘင်ခတ် ယောက်ယက်သတ်လို့
ဖဗြုတ်ကျိတ်နောက်ကုန်းမှာ
ငရုပ်ကြိတ်ကျောက်တုံးနန့်
အဆုံးသတ်လားခရေ…။

“လူစိမ်းတိ”
ပိုင်သျှင်င်ဟိ အစောင့်မဟိ
ခြံဝင်းတခုမှာ လူစိမ်းတစု
ရွှေ၊ ငွေ၊ ဖေသာ ရတနာတိကို
သဘောမတူ မကြည်ဖြူလည်း
“လောဘ၊ဒေါသ၊မောဟ”ဆိုရေ
တိုက်တာ သုံလုံးမှာ
သိမ်းကျုံးထည့်ယူ ပြောဖို့လူမဟိ
တစ်ယောက်စ နှစ်ယောက်စရာ
ကူလီခ နှစ်ပြားတစ်ပဲရလို့
လူတိကိုဆဲ နိန်ရေထော…။


“မျောက်ချေတကောင်”
ကံကြမ္မာရိုင်း မုန်တိုင်းကြားမှာ
ကျားအာခေါင်ထဲက မျောက်နှောင်ချေတစ်ကောင်
ပြူးကြောင်ကြောင်နန့် ရာဟုလီဆောင်လို့
အပင်အကိုင်း ပျိုင်းကျလာဂေ ခုန်ထွက်ဖို့
သမ္ဗုဒ္ဓေဂါရွှတ် မန်းမှုတ်လွှတ်ပီး
သရဏဂုံကိုမဆောင်
ဂယောင်တွေးနိန်ရေလတ်…။

“တချို့တလီ”
ဝိဇ္ဖာဇော်ဂျီ တပသီပိုင်
အတိတ်နိမိတ် တဘောင် အာဂုံဆောင်လို့
ကိုးဆယ့်ကိုးလတ္တံ့ နိန့်တိုင်းဖြန့်လို့
အင်းအိုင်လက်ဖွဲ လိုင်မှာဆွဲလို့
ဓါတ်ရိုက်ဓါတ်ဆင် အိမ်မှာပျင်လို့
အမျိုးသားနိုးကြား ကြိုးစားဂတ်ဖို့
မောင်းခတ်ယင်းနန့်
အချင်းချင်း
သတ်ဖို့ပျင်နိန်ဂတ်တေထော….။

“အိမ်မက်”
သရဲသဖက် အိမ်မက်တဆီ
ဝင်စီးနိန်မှန်း ငါ့စိတ်က တန်းသိရေ
အိမ်မက်ဆိုစွာလည်း ငါသိရေ
ခန္ဓာဟိမှန်းလည်းငါသိရေ
သိကေလေ့..
ရုန်းထလှုပ်ကြွလို့မရ
အချုပ်ခံထားရရေပိုင် နာကြင်နိန်ရေ
ဘေးနားကလူ ဖေးမကူလာနှိုး
လန့်ပြီးနိုးရေခါ
ချွဲသီးချွဲပေါက်တိ သဗြုသီးလောက်နန့်…။

“အဘာကပြောရေ”..
အိမ်မက်ဆိုးကြီး အရိပ်စီးကို
ဒုတ်ပြီး ဓါးပြီးရင်ဆိုင်သွီးဖို့
အားဆီးတစ်လုံး နိစိုင်သုံးလတ်…။

အဂု..အဘာမဟိရေခါ
ဇာအားဆီးကိုသောက် တက်သီးခေါက်လို့
အရိပ်စီးအိပ်မက်ကို ဖျောက်ဖို့လဲ
ငါဂေါင်းနောက်နိန်ရရေ..
ငါဂေါင်းခြောက်နိန်ရရေ..
ငါလမ်းလျှောက်နိန်ရရေ...။

...........
မောင်လှကျော်

အမတ်မျှော်

ကျိန်စာသင့် နန်းရိပ်ခို
“ ရက္ခ ”ဆိုစွာ မသိ
အမိလီကိုသျှိုက် အဖမြီကိုတရစ်
အမျိုးမစစ်တေလူက
ကုလားမင်းသမီးလက်ဆောင်ကို
လက်ခံဖူးခရေ ဝဋ်ကြွီးအလား ..။

ကြိုးစားလူတိကိုအားမနာ
သွီး မြီမှာမကျဖူးလို့
နှမကိုဗိုလ်ကြီး စစ်ခွီးနှင့်ပီးဗျယ်
ပထွီးကိုမျှော် ယောက်ဖတော်အားကိုး
စာတစ်အုပ်ကိုင် စကားနိုင်သူလု
ပြိုင်စံမမီ ရခိုင်ဒီမိုကရေစီသို့
၂၀၁၀ မှာ ပြောင်း
တနီရာ ငါအမတ်လောင်းအတွက် ..။

ထောင်ကိုမြင် ရာကိုစွန့်လို့
လူမှုသဟာယကို ဖက်တွယ်
လျှာနှစ်ခွ မွီဟောက်သငယ်
လူတွင်ကျယ်အလား မဲတပြားရည်စူး
ထိုလူကိုဝေဖန် ဒေလူကိုသမုဒ်
အမြတ်ထုတ်ဖို့ ပျင်နီံ
ဥာဏ်နီဥာဏ်နက်နန့်
……..ထွီ……မင်းအကြံ …….
ပက်ပက်စက်စက်
စဂိုးလောက်မှ ဇောက်မနက် ဝေး ။

.........
မောင်လှကျော်

လူ

နွားကို
သနားစွာလည်းလူ
စားစွာလည်းလူ --။

လူ
သူများကို တရားပြပျာယ်
ကိုယ်တိုင်ကျ
ဘုရားတသူ --။

လူ
အညမညတရားကို လက်ကိုင်ထားပျာယ်
ပဋိပက္ခနှင့် မိတ်ဖွဲ့သူ --။

လူ
တရားသူကြီးလုပ်ပျာယ်
လာဘ်စားသူ --။

လူ
ဘုရားတကာရာထူးနှင့်
မယားတဏှာရူးသူ --။

လူ
အေဆူ
အမှန်လူရာမလား --။

...........
(သာလှဦး)

ကဗျာနက္ခတ်နှင့် စကားလုံးကြွီသောအာကာ

စကားလုံးတိခမ်းနားရေ
ယဉ်ကျေးမှုအဆင့်အတန်းဆိုစွာ
ဂုဏ်အရှိန်အဝါရို့ရွာသွန်းခိုက်မှာ
ပွင့်လန်းကတ်တေ ရာသီလိုက်ပန်း
နွီပန်းလား..မိုးပန်းလား…ဆောင်းပန်းလား….။

“ငါ”လို့ လက်မ,ထောင်လိုက်စွာ
လက်မ,က အတိတ်ဖက်ကိုရာ ထိုးလို့..
“ငါ” ဆိုစွာ “ငါ” မဟုတ်ဗျယ်လာ.....။

¸.•♥´¨`♥•.¸ •.¸¸.•. •.¸

ကဗျာ..
ကြယ်စင်တိကို အမွှမ်းတင်ထားရေ
ရှင်သန်ထမြောက်ခြင်း...။

အချိန်အခါ…
တံခါးလာခေါက်တေ ကဗျာလက်အတွက်
ကြယ်အကြွီတစ်ပွင့်ကို ကမ်းလှမ်းရေ
နမ်းခွင့်လက်ဆောင်ယူပါလတ်...။

¸.•♥´¨`♥•.¸ •.¸¸.•. •.¸

မြတ်နိုးခြင်း…
နိမ့်ကျလာရေ မိုးကုတ်စက်ဝိုင်းကိုထက်သို့
စကားလုံးတိကိုပြန်ပနာ
တယုတယ.ပစ်တင်လို့….။

ငါ့ဘေးမှာ
ထိုင်ကြည့်နိန်စွာ
ငါ့ မျှော်လင့်ချက် ….။

¸.•♥´¨`♥•.¸ •.¸¸.•. •.¸¸

ခိုးကြောင်ခိုးဝှက်နန့် သက်ပြင်းရှည်တစ်ခု
လင်းအာရုဏ်လာ ညဇာဖက်လား
ကွဲကွဲပြားပြား မမှတ်မိ
ရောင်ခြည် ဖျော့ဖျော့တိ ကြားထဲ
တိုးဝင် ပုန်းအောင်း လားလီရေ…..။

¸.•♥´¨`♥•.¸ •.¸¸.•. •.¸¸

(နတ်မောင်)

လွမ်းရပါရေ ကျောက်ဖြူမြီသို့

ကျောက်ဖြူမြီက၊ ထွက်လာခစွာ
လတိကြာညောင်း၊ နှစ်တိပြောင်းလည်း
ငါ့မွီးရပ်မြီ၊ ကျောက်ဖြူမြီကို
နိန့်စဉ်မအမျှ၊ တမ်းတရ…။

သာယာလှပ၊ သောင်ပြင်လှနန့်
ရီပတ်လည်ဝိုင်း၊ ကာရံဆိုင်းပနာ
စိမ်းလန်းစိုပြေ၊ ကျောက်ဖြူမြီကို
စိတ်မှာတမ်းတ၊ လွမ်းဆွေးရ…။

လှပသာယာ၊ ဆည်းဆာချိန်မှာ
“နဒီသောင်ယံ၊ ပန်းခြံ”ဘားက
အနောက်ဖက်ကို၊ လှမ်းကြည့်လီက
ပင်လယ်ပျော်ပါး၊ ရီလုပ်သားတိ
သေးငယ်လောင်ချေ၊ အသွယ်သွယ်မှာ
ရွက်တလူလူ၊ ရွှင့်စိုက်ထူပြီး
တေးခြင်းသီကျူး၊ တမြူးမြူးနန့်
အိမ်ပြန်လာရေ၊ မြင်ကွင်းချေလည်း
မျက်စိထဲမှာ၊ ပြန်မြင်လာရေ…။

ကျောင်းကြီးပိတ်ရက်၊ အားလပ်ရက်မှာ
ငယ်ကပေါင်းသင်း၊ ရောင်းရင်တိနန့်
“င/ပု”ဒကာ၊ “င/သထာ”ရို့
တည်ထားခပြီး၊ “ဘုရားညီနောင်”ဟု
လူသိထင်ရှား၊ လွန်ကျော်ကြားရေ
“အံ့ဖွယ်သာမော၊ ကံ့ကော်တော”ကို
ဘုရားဖူးဇောင်၊ လားခစော်လည်းး
ငါ့ရင်ထဲမှာ၊ တမ်းတဆဲ…။

ယင်းကအပြန်၊ စကေချေအလွန်မှာ
“မင်းဗာဘုရင်၊” ကြည်ညိုသဒ္ဓါ
ပွားများစွာနန့်၊ တည်ထားခရေ
“ကျောက်တလုံးဘုရား”၊ ရင်ပြင်နားမှာ
အဖော်တစု၊ ဘော်တာရို့နန့်
ပျော်ရွှင်မြူးစွာ၊ ကြည်နူးစွာနန့်
အုန်းသီးရည်သောက်ခ၊ မိန့်မရ…။

ယင်းကတခါ၊ ပြန်လို့လာကေ
“ဘစောဘုရား”၊ ခေါ်ထငြားရေ
“စေတီယျတောင်ထိပ်”၊ ဗောဓိပင်ရိပ်မှာ
စုယင်းဝေးယင်း၊ ပျော်ရွှင်ယင်းနန့်
ဓာတ်ပုံရိုက်ခစော်၊ ပြန်အတွက်ပေါ်…။

အော်…အဂုချိန်မှာဂါး
ငယ်စဉ်ကာလ၊ ထိုကာလက
ကျောင်းနိန့်ဖက်တိ၊ ဘော်ဒါတိနန့်
တယောက်တပြည်၊ တမြီစီမှာ
ဝမ်းစာအတွက်၊ ရှာဖွီးထွက်ပနာ
တယောက်နန့်တယောက်၊ အချေကပိုင်
တွိ့ချင်ကေလည်း၊ မတွိ့နိုင်ပဲ
သောကရင်မှာ၊ ဝေဒနာကို
မျိုကာသိပ်ယင်း၊ လွမ်းခြင်းဆိုပနာ
မာတာပိတာ၊ ဆွီသဟာပါ
မွီးရပ်ရွာနန့်၊ ငယ်ကပေါင်းသင်း
ရောင်းရင်းတတိပါ၊ အတွက်ပေါ်လာကေ
ငါ၏ရင်မှာ၊ ဝမ်းနည်းစွာနန့်
လွမ်းမျက်ရည်တိ၊ ကျမိရေ…။

…………
ကျော်ဖြူသားချေ
၁၈-၆-၂၀၀၉

၁၀:၁၆ am

ပဉ္စလက်လမ်းမ

ဘဝက အန်ထုတ်လိုက်တေ
နာကျင်မှုတိကို အံကြိတ်ခံ
ဒဏ်ရာအပြည့်နန့် အိမ်မှာ
ငါ့ကိုယ်ငါ
လောင်ကျွမ်းပစ်တေ...။

ဝေဒနာကို အရက်မှာစိမ်
မျိုသိပ်ခရေပြက္ခဒိန်ကိုလေ့
မလှန်ချင်ဗျယ်...။

ကံနှင်ရာသို့ ရွင့်ဖို့
သစ်ရွက်အိုတစ်ရွက်အတွက်
နီညိုညိုမှာ အပူသျှိန်ပြင်းအားက
ညှင်းဆဲခက်ထန်တုန်းပါကာ....။

မမြင်ရရေအမှောင်ထုကို
အပြစ်တင်ယင်း
လှီကားရင်းထိငါလူးကျ...။

ပြန်ထဖို့ပျင်မှာ
ငါ့ခြီထောက်က
ခေါင်မိုးထက်မှာချိတ်နိန်လို့
မမြင်ခပြန်...။

အသက်မဟိရေ
လမ်းမထက်မှာ
ရှိဆက်ရဖို့လတ်...။

ငါ့ဝိဥာဏ်ကိုခင်းကျင်း
ငါနင်းလျှောက်ပလိုက်မိရေ
“မရောက်သိမ့်” ဆိုရေ
ရီလာမြောင်းပီးအတွေးနန့်...။

ဝီးလွင့်လားရေ
ရွက်နုသစ်ချေတိအတွက် စိုးရိမ်လို့
ရင်ထဲမှာ ငိုယို
မပြိုရေ မိုးအောက်မှာ
ငါ့ တစ်ယောက်တည်း
ပြိုနိန်ပုံကတော့...။

............

နတ်မောင်

(ဒုတိယအကြိမ်မြောက် ပြိုလဲသူ အခင်ထွီးအတွက်)

အသားနားခံခြင်း

အို..အသျှင်...
ရဲရင့်ခြင်းနန့်
အမှန်ကိုချစ်မြတ်နိုးခြင်းတိ
သားချေအား
ပီးသနားပါ...။

အို..အသျှင်...
ကောင်းမှုနန့်
မွိ့လျော်ပြီးကေ
မကောင်းမှုကိုမုန်းရေ
စိတ်ခွန်အားတိ
သားချေအား
ပီးသနားပါ...။

အို..အသျှင်...
ဒဏ်ရာ၊အနာတိကို
ခွန်အားတစ်ခုအဖြစ်
ပြောင်းလဲပစ်နိုင်ရေ
အစွမ်းသတ္တိတိ
သားချေအား
ပီးသနားပါ...။

အို..အသျှင်...
လွတ်လပ်မူအတွက်
အသက်ပီးဝံ့ရေစိတ်ဓာတ်
မိမိအမှားကိုအောင်နိုင်ရေ
စိတ်ဓာတ်တိ
သားချေအား
ပီးသနားပါ...။

..........
အေးမောင်(ရင်အုံတော်ဓာတ်)
၁၇၊၀၆၊၀၉(၁၄:၄၂)

ရွင့်ပြာသတ် အိမ်မက်

မှင်ဆီစက်တစ်စက်
ပိတ်စ ထက်ကျလာရေပိုင်
ငါ့ နှလုံးသား သွီးတိ
ငါ့ တစ်ခန္ဓာ လုံးကို
ပြန့်ပါလတ်တေ...။

မိုးရိပ်အပြည့်နန့်
တတင်းပြည့်နိန်ရေ
ဒေအာကာပြင်ကြီးအောက်
လီသျှူ ဖို့အေပေါက်ချေ
တစ်ပေါက်ပင်
ငါရှာမတွိ ...။

အားကုန်လို့ မွန်းကျပ်
နှလုံးသွီးတိ ရပ်
မှန်းခြေ မဟိရေ
ရွင့်ပြာသတ် အိမ်မက်
တောင်းတမှုဆန္ဒ
အဟောင်းတိနန့်
ဆို့နစ် နာကြင်လာရေ
ငါ့ ရင်ခွင်ကို
ဓားပြင်ဆိုးတိနန့်
လာလှီး နိန်ကတ်တေ ဂါ...။

လက်ကိုင် မရရေ
ဒေ လောကဓာတ်ကို
အန်တုဖို့
ကျောက်စိုင်ပိုင်
မာကြောရေ ငါရို့တိ
နှလုံး၊သွီးသား
အရည်ဖြစ်လိုက် ၊အခဲဖြစ်လိုက်နန့်… ။

……………….
အေးမောင်(ရင်အုံတော်ဓာတ်)
၁၆၊၀၆၊၀၉(၁၈:၄၅)

ခရီးကြမ်းကလူတစု

ဇွဲမလျောကေ့ဖိ
ငါရို့လျှောက်နီရေခရီးက
ပန်းတိုင်းနန့် မလှမ်းမဝီးဗျာလို့
တချို့ကသတိပီး..။

ငါရို့ဒေခရီးကြမ်းကို
ကျော်ဖြတ်နိုင်လီဖို့ အင်အားမဟိဗျာလို့
ဇွဲကုန်အားပန်နန့် ပြောလူကပြော..။

တညံညံအော်သံတိနန့်
မင်းကမှားရေ ထိုသူမှန်ရေ
ထိုသူမှားရေ ငါကမှန်ရေနန့်
ရန်ဖြစ်နီရေတိက တမျိုး..။

အစာရိက္ခာပြတ်ပနာ
အစာရှာထွက်လူတိ
ခရီးတူသူငယ်ချင်းတိကို
စွန့်ခွာရေလူက စွန့်ခွာ...။

အားမသီ မာန်မလျော့ဘဲ
ဇါမှာလဲပန်းတိုင်ဆိုပနာ
အရောက်လှမ်းဖို့
ကြိုးစားရေလူက ကြိုးစား..။

အောင်မြင်မူပန်းတိုင်းနန့်
အဝီးအပါးကို မမြင်လို့
ရရောင်းသက်နီဂတ်တေ
ခရီးကြမ်းကလူတစု...။

.........
Ashon(အသျှင်)

Those Who Should Be Executed

အောက်သားမြင်တိုင်း။ ခါးကိုင်းဦးချ
ရှိခိုးကြသည့်။ ရကနွယ်ဖွား
ဇာနီများ.။ ကုလားရပ်မြီ
မြို့ဒေလီက။ ထွေလီထူးဆန်း
အံ့မခန်းရေ။ မှတ်တမ်းလေ။

ခိုင်သားပြည်သူ။ မျိုးနွယ်တူကို
လူပင်မမှတ်။ ခွီးထင်မှတ်ကာ
ဒေါ်လာလိုချင်။ လောဘ၀င်လို့ 
မြင်မြင်သမျှ။ တွီ့ သမျှအောက်သား
ရှိ့မှာရောက်တိုင်း။ ခါးကိုကိုင်းကာ
မှန်ပါဆရာ။ ဟုတ်ကဲ့ပါဗျ
ရိုသေကြသည့်။ အာဂ္ဂသတ္တိ
အပြည့်ရှိရေ။ မြို့ဒေလီရောက်
သာကီနွယ်ဖွား။ ရခိုင်သား တော်လှန်ရီးသမားအတုတစု။

အတိတ်ကလျှင်။ သင်ကားအဖြူ
ငါမူအနီ။ အောက်သားညှီနံ့ 
တပည့်ခံသူ။ ကဋ္ဌန်တိမူလည်း
ဂုမူမျိုးချစ်။ အသစ်ဖြစ်လာ
ကမ္ဘာလောက။ အံ့သြဖွယ်။

နှစ်ပေါင်းလေးဆယ်။ ရှီးခါဝယ်က
ရကျှပြည်ကြီး။ လွပ်မြောက်ရီးဟု
သွီးကြီးနထင်ရောက်။ ကြောက်မှုကင်းသူ
တော်လှန်သူလေ့။ ဂုမူဒူးတုတ်
မျက်ရေသုပ်ကာ။ ဗမာများ.
ဒီမိုကရေစီအရီး။ ဒို့ အရီးမှာ
ဗရာထွီးပါဝင်။ အသွင်ပြောင်းလဲ
ဖေါက်လွဲဖေါက်ပြန်။ လင်းပြန်မသား
တစုများ.။ ခံစားမှုကင်း
ဖေါက်ပြန်ခြင်းရေ။ လက်ငင်းသီးဒါဏ် ထိုက်နီဗျာယ်။

..........
ရက္ခမဟာ (တကိုယ်တော်)

ဥသြရီသောက် မုနိပျောက်

၁၁၄၆ ဥသြရီသောက် မုနိပျောက်
ထိုသည်ခုနှစ် ရောက်သောခါ
မုနိမြတ်မဟာ --။

ပြည်မြန်မာ ပါလို့လား
ယင်းမှာ ထောင်ချထား --။

တန်းဆောင်ဘုန်းလဆန်း (၁၃)
ရက်က ကဠုံပါ --။

ဆောင်ယူလားရာ ထိုရက်နိ
ဤသို့ မှတ်လို့သိ --။

..........
(နာမည်မသိ စာဆို)

မောင်ဝိုင်းချေ

တဖွဲ့တစင်ထောင်သောသူ
ငသံတွေနှင့်တူ --။

ငသံတွေကို အားပီးလူ
ဘိုးတော်မောင်ဝိုင်းနှင့်တူ --။

.........
(သာလှဦး)

(ရခိုင်ပြည်တော်လှန်ရေးမှာ မောင်ဝိုင်းချေတိများနီသိမ့်လို့ ရခိုင့်တော်လှန်ရေးကြီး ပျက်စီးနီရပါသည်။)

မိုးထက်မင်္ဂလာ

အိုလူရို့
ထကတ်ဖိ
မိုးလင်းပျာ --။

ရှောက်ပနီငှက်ချေ
နီဆာလှုံလို့
အကိုင်းဖျားမှာ
နားနီပျာ --။

စာချေတရွီ
ညီညီညွတ်ညွတ်
တသုတ်ပြီး တသုတ်
တအုပ်ပြီး တအုပ်
လှည့်ပျံလားခပျာ --။

အလယ်တရိုး
ဝက်မတိုးရအောင်
ခြံထိုးလို့ ကာကွယ်ရဖို့ --။

ကျီးကျလို့ မပျက်ရအောင်
မီးထလို့ ဖော်ကတ်ရဖို့ --။

ရွာဦးကျောင်းက
ခတက်ခေါက်ပျာ
မချေလားလို့ ဆွမ်းပို့ခီ --။

မောင်ချေ ပျိုးကြဲ
အကိုကြီး လယ်ထွန်
အကိုလတ် ငါးရှာလားကတ်လီ --။

မကြီးဆန်ဖွတ်
အမိဆန်ပြာ
အဘာ တောသို့လားပတ်စီ --။

တက်ညီလက်ညီ
ရီကြိုင်မြမြ
ဂစ္ဆပနဒီ
နှင်းဝီ၀ီမှာ --။

........
(သာလှဦး)

သံသရာဘူတာ၌ ဆိုက်ကပ်နီခြင်း

တန်ဖိုးဟိရေ သစ်ပင်ထက်က
သုညတစ်လုံးကြွီကျလားရေ……။

ဆွဲငင်အားတိဆိတ်သုဉ်းရေခါ
သံယောဇိုင်နန့် ချိုင်ထားလို့ မရလိုက်ဗျာလ်….။

အစုန်အဆန်လားနီကတ်တေ
ဒုံနာလမ်းထက်ကခြီရာတိ
နာကြင်မှုဝေဒနာတိကို ရောင်းဝယ်ဖောက်ကား
ရလာရေ အမြတ်က
ဒုက္ခအပြည့်နန့် နိန့်ရက်ချေတိ….။

ဆိုက်ဘာဟိုက်ဝေးလမ်းမထက်မှာ
လက်နှိပ်စက်အိမ်မက်နန့်
မွီးရာပါအားနည်းချက်ကို
အရောင်တင်နီကတ်တေခါ...။

ကိုယ်လွတ်ရုန်းတတ်သူရို့ ညဇာ
တထပ်စာရိက္ခာနန့်
သံသရာဘူတာမှာ
ကြည့်ပြီးသား ဗီဒီယိုကားကို
ထိုင်ကြည့်နီရယင့်…။

.........

နီသစ်ခိုင်

မြင်ယောင်နီသိမ့်ယင့်

ထိုအယင်အချေခါက
အိမ်ဦး နန့် တန်းဗျင်း
စစ်တိုက်တန်းကဇတ်တေပွဲမာ
ကြားနီကျစကားလုံးချေတိ
လမ်းကြုံလို့အတွက်ပေါ်မိရေ
"ယလောက်...!
ထမင်းအိုးဇောက်နက်စွာမာ
စာရွီးဆရာလေ့မဟုတ်
စာအုပ်ပုံကြားမာမြုပ်နီလို့
ထမင်းစားရဖို့လား...! " အမိစကား ။

အစိုင်မတူအမွီမရ
ဝါသနာပါလာစွာက
နန်စွာလေ့မဟုတ်
ကဗျာတောမာ
မောဒိမောဒါနန့် ...
လက်ခုပ်တောင်
မတီးဂတ်ရသိမ့်
ဒယောကျွတ်အောင်
က ချင်နီပုံနန့်
အဘာ သားလေ့သွင့်
ဇာ မ မ ဘားမာဒေါ့
အဆဲခံရဖို့မသိဗျာယ်... ။

.......
ကိုမင်း

“မှန်” နန့် မှား ခြင်း

မိုးသောက် စစိုး စဇီး
ရီမိုးချိုး အပြီးမှာ
စိတ်သန့် လူသန့်
ခခန့် ညညား
ဟန်ပန် သသွား နန့်
လူများ ဆင်ထားရေ
“ မှန် ”တစ်ချပ်ကို
ယုံကြည်မှု ပုံအပ်လို့
ကောက်ကြည့်လိုက်တေခါ ….။

ငါ့ရုပ်သွင်ပြင် ငါမြင်
မှတ်လို့ပင်မရ
တောက်ချီးကျဗနာ
စိတ်ညစ်လားခရရေ …။

ဟား . ဟား . ဟား … ဟော
လောဂျိတ် ပုံသဏ္ဍာန်
“ မှန် ” ….
မညီညာရေ ပြင်ညီတခု
အဖုအထစ်တိနန့်
ကထိုက်ကရစ်ဖြစ်နီလို့
ငါ၏ ပဂတိရုပ်သွင်
သိမြင်ရစွာက …..
“ မှား ” နိန်ရေ အရိပ်ထင်း လို့
မင်း “ မှန် ” စွာ
ဧကန် “ မှား ” နီ စွာရာ မနားယေ..။
.................

မောင်လှကျော်
(မှတ်ချက် ။ ။ လောဂျိတ် ကို Logic ဟု ဖတ်မှတ်ပါ)

နယူးယောက်ရခိုင်သင်္ကြန်

ရခိုင်သား ရခိုင်သား
ဝမ်းပြည့်ဝမ်းရောင် ရခိုင်သား --။

ရခိုင်သား ဇာတိနာ
ဖျောက်ဖျက်ပစ်လို့ မရပါ --။

မိုးရာသီမှာ သင်္ကြန်ချ
ကောင်းကောင်းပျော်ပါရ --။

ပျော်ရပါးရ ပြီးသောခါ
မျက်နှာပြာပြာ အိမ်ပြန်လာ --။

ပြည်ထဲမှာ ရခိုင်သမ
ပြည်ပမှာ ရခိုင်သမ
ဘောက်သာဆိုးနှင့်ရ --။

.........
(သံဘောဒူ)

မှတ်ချက။ ။နယူးယောက်တွင် ရခိုင်သင်္ကြန်တခါချပြီးတိုင်း အနည်းဆုံးရခိုင်သမတယောက် ဘောက်သာဆိုးနှင့်ခိုးရွာလိုက်သည်ဟူ၏။ ရခိုင်အမျိုး၊ ရခိုင်သီလ၊ ရခိုင်ယိုင်ကျေးမှုကို အလွန့်အလွန် ထိမ်းသိမ်းဖော်ထုတ်နိုင်ကတ်ပါပေသည်တကား။

ခရီးသစ်

ယှုပ်နီခြင်းကို
ယှင်းတတ်ခြင်းက
လူဖြစ်ခြင်း၏အနှစ်သာရ။

ကျယှုံးနီခြင်းကို
အောင်မြင်အောင်လုပ်နိုင်ခြင်းက
လူ့ဘ၀တန်ဖိုး။

မဟိခခြင်းကို
ဟိလာအောင်လုပ်တတ်ခြင်းက
လူပီသရေ မာန။

လက်ဟိလိုအပ်ချက်ကို
ဖြည့်ပီးတတ်ခြင်းက
လက်တွိကျရေ ၀ါဒ။

မျှော်လင့်ချက်နန့် ရှိကိုတက်
ယုံကြည်ချက်နန့် လက်ချင်းဆက်
အိမ်မက်ကိုထုဆစ်
ခရီးသစ်မှာ
အနာဂတ်ဟိရေ…။

........
ဝံလက်ဖြူ
၁၁၊၀၆၊၂၀၀၉

မိုးရာသီ နန့် ငရို.ရွာ

ပုး .....ပွင်
ဇာ ငါးစားလေ .... “မျှိုင်”။

ပူး .... ပွင်
ဇာ ငါးစားလေ ....“မျှိုင်”...။

ငရို.အိမ်ရှိက နာလာကြောင်း
ဖဘူချေ မြည်သံ တရောင်းရောင်း။

ရွာမြောက်ဘက်က သောက်ရီကန်
ရီတိပြည့်လို့ တရွှန်ရွှန်။

ရွာလယ်ကောင်က လူပျိုတစ်စု
ငတက်၊ငကျ မိုး ရွာဖို့ တောင်းဆုပြု။

ရွာတောင်ပိုင်းက မေကြီးချေ
ပျိုးစိုက်ဖို့ လားကတ်မေ။

ရွာလယ်ကောင်းက ကစားကွင်း
ကလေချေတိနန့် တဘွင်းဘွင်း။

ှဇွန်၊ဇူလိူင်လ ရောက်လာယာ
ကျောင်းခလောင်းသံ ကြားယယာ။

ငါးမျှားလားရေ အခင်လတ်
ကန်းသင်းထက်မှာ ချော်လဲသတ်။

ကန်းသင်းပွင့်တိ ပွင့်ယာဝေ
ကန်းသင်းပွင့်မုန့် လုပ်ကတ်မေ။

စေတနာကောင်းရေ ရောက်မကြီး
တစ်အိမ်တစ်ဒုံ ၀ီလို့ပီး။

သနားစရာ ပဉ္ဖင်းချေ
ဝါတွင်းသုံးလ ကုတ်နိန်ဝေ။

ဝပုသ်စောင့်ရေ ၀ါကြီးတပြွတ်
ဘုန်းကြီးကျောင်းမှာ ရရောင်းသတ်။

ကျောင်းကိုပြီးရေ ကလေချေ
မက္ကလာယူဖို့ မမိန့်ကေ့ဝေ။

ရီစိုနိန်ရေ ထင်းပိုင်းတိ
ထမင်းအိုတည်ဖို့ ကြတ်တင်ပီး။

ပုး .......ပွင်
ဇာ ငါးစားလေ .... “မျှိုင်”

ပူး ......ပွင်
ဇာ ငါးစားလေ .....“မျှိုင်”...။

...........
အေးမောင်(ရင်အုံတော်ဓာတ်)
၁၁၊၀၆၊၂၀၀၉(၂၀:၅၄)

(မှတ်ချက်။ ။ ခမောက် ကို မက္ကလာ ဟုပြောင်းထားလိုက်ပါသည်။

ထာဝရလန်းရေ ပန်း

တပေါင်းလီရူးနန့်
ကြွီကျလားရရေ
ရွက်ဟောင်းချေတိ
မြီပြင်မှာ
သင်္ခါရတေးခြင်းကို ဆိုလို့
အတိတ်ဒဏ်ရာတိကို ရင်ဖွင့်
ဖူးဖွင့်လာဖို့
ရွက်နုသစ်ချေတိအတွက်
ပင်ခြီရင်းမှာ
မြီသြဇာဖြစ်ပနာ
လောကသစ္စာကို
ထုဆစ်ပြနီရေ…။


ကာလတခုနိဂုံး
ကာလတခုအစ
ပြက္ခဒိန်ကတောင်း
အလှည့်အပြောင်း
သွီးသစ်တိလောင်း
နွီမိုးဆောင်း
ရာသီတိဟောင်းပတ်စီ
ခရီးတခုအတွက်
အချိန်စွာအဖော်မွန်ကောင်းရာ…။


ကန္တာရအိမ်မက်ဆိုးနန့်
ညာဥ့်အမှောင်ကိုဖြတ်ဝံ့သူရို့အတွက်
မိုးထဖရောင်နီစွာဆုလာဘ်
တန်ဖိုးမဖြတ်နိုင်ရေဂုဏ်ဒြပ်
ပီးဆပ်ခြင်း၏ရလာဒ်
ဒုက္ခအထပ်ထပ်ကြားကပွင့်ရေပန်း
ထာဝရလန်းတတ်တေ…။

...........
ဝံလက်ညို
၁၀၊၀၆၊၂၀၀၉

ရင်ကွဲနာ

ခြစားလားခရေ နှစ်ပေါင်း
နှစ်ရာကျော်
အနှိုင်းမဲ့ အဆုံးအယှုံး
သမိုင်းထဲကရုပ်ကြွင်းတိ
ထိုတစ်စု ဒေတစ်စု
အဘာကယ်ပါ
အမင်ကယ်ပါ
ခေါ်နိန်ကတ်တေ...။

ရညှိတက်နိန်ရေ
ကျောက်ဆစ်တိ
ခွာချဖို့လူမဟိ
သမိုင်းက ဟားတိုက်ခံထားရရေ
လူမျိုးတစ်စု
ြွကင်းလားခရေ ဟင်းဇကွဲတိပိုင်...။

အိမ်မက်ထဲက
နှစ်ပေါင်း ငါးထောင်က
ငါ့ကို နိန့်တိုင်း
ခြောက်လန့်ှကတ်တေ...။

..........
အေးမောင်(ရင်အုံတော်ဓာတ်)

ချစ်အမိထံ မပြန်ချင်သိမ့်

အော်...အမိ
အောက်သားလက်အောက်
ဒူးကိုထောက်လို့
စီးကျမျက်ရည်
ပြည့်ဖြိုးဝေလျှံ
ချစ်အမိထံ
မပြန်ချင်သိမ့်။

အော်...အမိ
တောင်ယံကမ်းပါး
လျှိုမြောင်ကြားမှာ
ငှက်ဖျားတိဒဏ်
ကြံ့ကြံ့ခံလည်း
တော်လှန်သည့်ဇွဲ
သတ္တိနည်းလျှက်
အောက်သားလက်ထဲ
အလံလှဲလို့
ချစ်အမိထံ
မပြန်ချင်သိမ့်။

အော်....အမိ
အောက်သားလက်အာက်က
ရွတ်မြောက်ချင်စိတ်
ယိုစီးဖိတ်လို့
ထက်သည့်စွမ်းအား
လုံ့လများနန့်
ဖိနှိပ်အဓမ္မ ဟိနီသမျှ
ချစ်အမိထံ
မပြန်ချင်သိမ့်။

အော်....အမိ
သားမျှော်လင်းချက်
ရွတ်မြောက်လမ်းအတွက်
မြူပါမကျန်
သားတွန်းလှန်လို့
ခူးဆွတ်ဆင်မြန်း
အောင်ပွဲခံမှ
ချစ်အမိထံ
သားပြန်လတ်မေ...။

...........
မှတ်ချက်..
rakhitarakhine.multiply.com မှကူးထားပါသည်။ ရွီးသူနာမည်မပါ ပါ။

စိတ္တဇ သန်ဖက်

နားစိန့်ပါလားရေ
ရက်စက်ကြမ်းကြုတ်တေ
မိုးကြိုးပစ်သံ
တောင်ပြိုပါအောင်
ရွာနိန်ရေ အငြိုးကြီးရေ
တစူးထိုး မိုး
ကျည်ဆန်သီးထက်ပြင်းရေ
လီပြင်းတိုက်သံတိအောက်က...။

ညဥ့်မသန်းခေါင်အချိန်
လီတိုက်တိုင်းကိုင်းပါနိန်ရေ
အေးရာမအပင်ကြီးတစ်ပင်အောက်
ဝါကြီးမတစ်လုံး
ဆံပင်ဖဖါးချလုံး
သာခြင်းငြိမ့်နိန်ရေ...။

မြင်ကြွင်းကြောင့်
ကြက်သီးထလာရေ ငါ
ကြောက်စိတ်နန့်
သာခြင်းသံကို
နားတစ်ချက်ထောင်အကြည့်
ဒေချင့် အပုသျှေသိပ်တေ
သာခြင်းပိုင်ကာဂု...။

ထူးဆန်းစွာက
သံစဉ်ထဲမှာဆို့နစ်ကြွီကွဲသံတိ
ယင်း သာခြင်းပိုင်ရှင်ကို
ငါ မျက်စိတစ်ချက်လှမ်းအကြည့်
ထို ၀ါကြီးမမှာ
သွီးရဲရဲနန့်အသက်
ကုန်နိန်ရေ အဘုသျှေကို
ရင်ခွင်မှာပိုက်လို့ကာဂု...။


အော်..
ဆိုးလိုက်တေအဖြစ်
အကျည်းတန်လိုက်တေမြင်ကွင်း
ဒေသာခြင်းသံစွာ
အသက်ပျောက်နိန်ရေ
အဘုသျှေတွက်
ဇာ ဇာ အဓိပ္ပါယ်ပီးနိုင်ဖို့လဲ...။

မြင်ရ၊ကြားရရေ ငါက
ကြောက်စိတ်နန့်သနားစိတ်
ရောထွီးနိန်တုန်း
ငါ့ ခြီလှမ်းတိကိုဆုတ်ဖို့
ကြိုးစားလိုက်တေမှာ
ရုန်းလို့မရ
တတောင်ကျိုင်းနိန်ရေ
ငါ့ ခြီနှုစ်စုံ...။

လျှပ်စီတစ်ချက်
မြင်ကွင်းတစ်ခေါက်
ချွဲပပြစ်ကျနိန်ရေ ငါ
လမ်းလယ်ဂေါင်မှာ
ကယ်သူပျောက်လို့
ကြောင်စိတ်နန့်
အသံကုန် အော်ပလိုက်ဖို့
ကြိုးစားရေခါ
ပလာစတာနန့်ကပ်ထားရေပိုင်
ငါပါးစပ်ကိုလှုပ်လို့မရ...။

အော်..
ငါ..ငါ..
နခြင်းက
င့ါစွမ်းအားတိ
ဇာ ဇာ ရောက်လားလေဂု...။

မထူးပါအဆုံး
ငါ့မျက်လုံးကိုစုံပိတ်
မိုးကြိုးပစ်သံတိကို
မကြားဟန်ဆောင်
ဒေသံသရာဆိုး
စိတ္တဇညဥ့်အလယ်မှာ...။

လပြာစိုင်နိန်ရေ ငါ
သွီးရဲရဲနန့် အသက်မဲ့အဘုသျှေ
ဆို့နစ်သခြင်းသံနန့်ဝါကြီးမ
နောက်တစ်ရက်
ရောင်နီလာအောင်ထိ
စောင့်ကတ်ရဖို့သိမ့်ထင်ရေ..။

..........
အေးမောင်(ရင်အုံတော်ဓာတ်)
၀၇၊၀၆၊၀၉(၀၉:၀၀)

“ဘူး”ကြိုက်သူများသို့

ရက်လလွန်မြောက်၊ နှစ်တိရောက်လည်း
တောက်လျောက်မခို၊ စိတ်မငြိုဘဲ
အမျိုးသားရေး၊ စိတ်မှာတွေးလို့
ရခိုင်စာပီခရီး၊ အပြီးရောက်ဖို့
လျှောက်သည်အမှန်၊ ငါဝန်ခံယင်း..။

ဝါသနာတူ၊ ခိုင်ပျိုဖြူနန့်
စိတ်မူမြင့်မား၊ ရခိုင်သားပါ
အားအင်ကိုပျင်၊ တိုက်ပွဲဝင်လည်း
တိုက်ပွဲဝင်သူ၊ များလူငယ်ကို
မင်းမှုမတွက်၊ “ဘူး”ရာတပ်ဗျာလ်
စာစပ်ဆိုပြန်၊ အမှန်မှာဂါး
မျိုးဖျက်တရားခံ၊ မင်းရို့ပင်တည်း..။
ိ
အို..
“ဘူး”ကြိုက်သူရို့..။

............
Ashon(အသျှင်)
on June 2, 2009 at 5:30pm

စက်နှိုးဖိ

လာဝေဖြတ်ကျော်ဂတ်မယ်..
ငါရို့ဖြတ်ရဖို့ပင်လယ်ပြင်က
ကကောင်းကောင်းပင်ကျယ်ရေနန့်...။

လှိုင်းလီတိ တဟုန်းဟုန်းအော်သံ
ငါ့နားကို ရောက်လာလီခ
ထိတ်လန့်သံတိက
အမှန်ပင်ရင်ထဲကိုဝင်လာရေပိုင်
ဒေပိုင်ခရီးကိုမှ
လာဝေစွန့်စားပနာ
လောင်းချေတစီးနန့်
တတူလှော်ဂတ်မည်လတ်
မင်းအလီလီပြောဆိုခ..။

ဒေပင်လယ်ကိုဖြတ်ဖို့
ဒေလောင်းနန့်မနိုင်လို့
ဘုတ်ဆင်ဗျာလ် စက်တပ်ဆင်ထားယင်း
လာဝေဖြတ်ကျော်ဂတ်မည်
စက်နှိုးဖိ...။

..........

Ashon(အသျှင်)
on June 5, 2009 at 6:47am

နိုးထဖိ ၀ိညာဉ်

ငါ..
ဒေနိန်ကစလို့
အဓိဌာန်ပြု
သံမာ၊ တတောက်ကျိုင်းရေ
ယုံကြည်ချက်တိတွက်...။

လေးကျွန်းကို
တစ်ကျွန်းတည်းဖြစ်အောင်
ပြောင်းလဲနိုင်လောက်တေ
စိတ်ခွန်အား...။

လွတ်လပ်ခြင်း၏
အလင်းရောင်သစ်
တည်ငြိမ်ရင့်ကျက်တေ
ဒေ ကမ္ဘာကြီး
အ၀ီစိထိ နက်တေ
ဆားငံ ပင်လယ်ကြီးတိနန့်...။

ဂေါတမ
လက်ဆင့်ကမ်းရေ
မှန်ကန်ရေ သစ္စာစကားတိ
ဒေရပ်၊ဒေမြီမှာ
အဆုံးမဟိရေ
ကျောက်တုံးကြီးတိနန်.
ဘောင်းခတ်ထားသိမ့်ရေ...။

ငါ..
ဒေနိန်စလို့
အဓိဌာန်ပြု
အာကာကို လင်းလက်စီရေ
ကြယ်စင်ရို့ ကိုယ်ကျင့်တရားနန့်
ကမ္ဘာကြီးကို
ကြည်လင်၊အီးမြ
ရောင်ပြန်ခတ်စီရေ
လမင်း၏ သန့်ရှင်းစင်ကြယ်မှု...။

လွတ်လွပ်မှု အရသာ
မတားဆီးနိုင်ရေ
မာန်ဟုန်ပြင်းလီပြင်း
စောဗုဒ္ဓအမွီကို
ဒေ ဗျာဒိတ်ရမြီမှာ
သေလာဂီရိအောက်
ဂစ္ဆပ နဒီထဲမှာ
လှောင်ထားသိမ့်ရေ...။

မင်းရို့
ဒေနိန့်ကစလို့သစ္စာပြု
ဗုဒ္ဓမြတ်စွာ၏
ယုံကြည်မှုစွမ်းအား
ဦးဆောင်သူ လက်ကို
တင်းပါအောင်ကိုင်ထား
မျက်စိ၊ မျက်စိချင်း
နား၊ နားချင်း
ကူညီဖို့လက်၊ ကာကွယ်ဖို့ဒိုင်း...။

တစ်ချိန်က
ကြီးကျယ် ခန်းနားခရေ
ငရို့ဘိုးဘီး၊ဇူဇာတိ၏
အငွိ၊အသက်
အသက်မဲ့မြောက်ဦးမြီမှာ
အဂုထိ
ခံစားနိုင်သိမ့်ရေ...။

...........
အေးမောင်(ရင်အုံတော်ဓာတ်)
၀၆၊၀၆၊၂၀၀၉(၀၀း၁၀)

ပန်းတိုင်ရောက်ရာ

ဘဝပန်းတိုင်
လှမ်းဆုပ်ကိုင်ဖို့
အားမာန်ကိုတင်း
ဇွဲကိုရင်းပနာ
ကြိုးစားပါဂေ
မရဇာမှာ
ဟိအံ့နည်း...။
............

၂၆-၅-၂၀၀၉

၁၈:၁၅ pm